Luc. 6:35 - Manobo Sarangani

³⁵ Meneng sikiyo, seini se keilangan inangen niyo. Kedekeli niyo te pedowan se poon niyo. Inangi niyo dan te mèpiya. Pebelesi niyo dan pengkey eked dan iyan keolì. Aw yan se inangen niyo, dakel se ontong ibegay diyà kenyo, aw ipetaga-taga niyo te batà kaw te Timanem, so gayed sikandin egkeido te kedita te otaw pengkey medaet dan aw kenà egpesiontong.

Luc. 6:35 ပူးပေါင်းရင်းမြစ်များ

Juan 13:35

Aw megpedekelay kaw te pedowan, yan se pengilala amon metaga-taga se kedita te otaw te menge tinoledaan ko sikiyo.”

2 Korinto 8:9

Ikà niyo egkelibel te tabang te Pengolo tadon si Jesu Cristo, so peg-ogpà din doton te langit, sikandin se tig-apò te kedita, meneng tinenanan din se kedita niyan, aw migpekeotaw amon tebangan kaw din, amon lekat kenyan meketig-apò kaw te mèpiya doton te langit.

Juan 15:8

Iduyun se Amay ko pineokit te pegpemongo niyo te dakel, aw yan se kitaen te tinoledaan ko sikiyo.

Ininang 14:17

Meneng gayed din impetaga-taga te doen Timanem, so egpemegay sikandin te odan, aw eg-entayen din se menge tinanem te kelikit te omay, amon megkedoen kànen niyo aw keluba te pedowan niyo.”

Luc. 1:32

Melangkaw sikandin, aw doen gulal din Batà te Timanem Melangkaw. Ipelowan sikandin te Timanem iling te peglowan te kemonaan din si David gebii.

Mar. 5:7

Migpunù si Jesus diyà te bosaw, kagi din, “Lowà ka den diyà kandin.” Minikagi se otaw te dakel kagi din, “Jesus, Batà te Timanem ontò melangkaw, ikà egsamok kanak. So Timanem se egtengteng kenita, memoyò a diyà kamno, ikà bag egpeeleg kanak.”

Mat. 5:9

“Doen keluba te kedita te otaw egpekeaseb eg-inang te kelinaw, so inangen dan te Timanem menge batà din.

Luc. 6:36

Keilangan egkeido kaw te doma iling te keido te Amay niyo Timanem.”

2 Timoteo 3:2

Doen kwani menge otaw megkedemet, aw mengewarta, aw megpeduyun, aw megpelangkaw-langkaw. Megtompuyus dan te doma otaw, eked dan tolò te amay aw inay dan, mengako dan, aw eked dan pegsagman te Timanem.