Luc. 6:30 - Manobo Sarangani

³⁰ Pemegay kaw diyà te otaw memoyò kenyo. Aw doen mengabat te kedònan niyo, ikà niyo egpeolì.

Luc. 6:30 ပူးပေါင်းရင်းမြစ်များ

2 Korinto 8:9

Ikà niyo egkelibel te tabang te Pengolo tadon si Jesu Cristo, so peg-ogpà din doton te langit, sikandin se tig-apò te kedita, meneng tinenanan din se kedita niyan, aw migpekeotaw amon tebangan kaw din, amon lekat kenyan meketig-apò kaw te mèpiya doton te langit.

Ininang 20:35

Yan se ininang ko amon ketegahan niyo te mèpiya aw measeb kidon megterbaho, amon meketabang kidon te menge doma otaw nelimahan. Ikà niyo egkelibel te inikagi te Pengolo si Jesus, ‘Pengkey meluba se otaw tebangan te doma, meneng labi pa meluba se otaw egpenabang te doma.’”

Mat. 6:12

Pegwedadi se salà ininang day diyà kamno onawa te pegwedad day te salà ininang te doma otaw diyà kenami.

Luc. 18:22

Pegdineg i Jesus kenyan, minikagi sikandin, “Sebad mendad se keilangan inangen nikaw. Beligyai se kedakel te kedònan no, aw iteped se kwarta no diyà te menge otaw nelimahan. Aw yan se inangen no, doen ontong kinewaen no doton te langit. Penga te pegteped no te kedakel niyan, likò ka dini aw taking ka kanak.”

Luc. 12:33

Keilangan ibeligyà niyo se kededònan niyo, aw ipemegay niyo se kwarta diyà te otaw nelimahan. Aw yan se inangen niyo, metipon kidoen te langit se ontong niyo eked palos pegkedaet, so eked iyan ketakaw kidoen, aw eked iyan heman kebàti.

Luc. 11:41

Keilangan lekat te keido te pedowan niyo se pegpemegay niyo diyà te otaw nelimahan, aw yan meinang kaw ontò mèpiya.

Luc. 6:38

Bowangi niyo se doma, aw bowangan kaw heman te Timanem. Ontò dakel se ibowang din kenyo, so deseken din, aw keyongen din, aw olowan din se ibegay din kenyo amon ontò dakel se kinewaen niyo. Aw bowasag kaw diyà te doma otaw, bowasag heman se Timanem diyà kenyo.”

Mat. 18:35

Minikagi si Jesus, “Aw eked kaw ontò pegwedad te salà te doma otaw, iling heman kenyan se inangen te Amay ko diyà kenyo. Eked kaw din keidowi.”

Efeso 4:28

Aw doen menenakaw doton kenyo, keilangan lomengà aw megterbaho amon meketabang te menge doma otaw nelimahan.

Mat. 5:39

Meneng mikagi a den diyà kenyo, aw doen otaw meg-inang te medaet diyà kenyo, ikà niyo eg-inang te medaet diyà kandin. Aw sempaken kaw te doma otaw diyà te pisngi lenged te kowanan, pesempaki niyo heman se pisngi lenged te bibang.

Luc. 6:29

Aw sempaken kaw diyà te pisngi, pesempaki niyo heman se dibaloy. Aw legesen kaw memegay te ekasan niyo, begayi niyo heman se saol niyo.

Luc. 6:31

Aw meibeg kaw te mèpiya se inangen te doma otaw diyà kenyo, keilangan mèpiya heman se inangen niyo diyà te doma otaw.