Luc. 6:28 - Manobo Sarangani

²⁸ Pemoyò kaw diyà te Timanem te keidowan din se otaw egpenollon kenyo. Pegtawal-tawal kaw heman diyà kandin tepad te otaw egtompuyus kenyo.

Luc. 6:28 ပူးပေါင်းရင်းမြစ်များ

1 Pedro 3:9

Aw doen otaw meg-inang te medaet diyà kenyo, ikà niyo eg-inang te medaet diyà kandan. Aw doen otaw megtompuyus kenyo, ikà niyo egtompuyus kandan. Meneng pemoyò kaw diyà te Timanem te keidowan din dan, so pegtawal din kenyo, migpakang sikandin te keidowan kaw din.

1 Korinto 4:12

Egterbaho kay amon doen mekaen day. Aw tollonan kay te doma otaw, egpemoyò kay diyà te Timanem te keidowan din dan. Pengkey egpemilangen kay, meneng kunù egpeketayod kay.

Roma 12:14

Pemoyò kaw diyà te Timanem te keidowan din se otaw egpemilang kenyo. Ikà niyo egpemoyò te detengan dan te medaet, meneng pegtawal-tawal kaw te keidowan din dan.

Santiago 3:10

Lekat te sebad bahà lomowà se kagi mèpiya aw medaet. Menge kedowa ko, eked inì kepakay inangen. Keilangan ontò mèpiya se kagi tadon eked sengedi te medaet,

Luc. 23:34

Migtawal-tawal si Jesus tepad te menge otaw miglansang kandin diyà te kros, kagi din, “Amà, pegwedadi se salà dan, so wedà dan ketegahi aw eden se ininang dan seini.” Penga te peglansang dan ki Jesus diyà te kros, pigtalad-talad dan se penenaktun linowas din, aw migbonot dan aw eden se penenaktun meabat te teg sebad-sebad kandan.

Luc. 6:27

“Meneng seini se kagi ko diyà te kedita niyo nenenalan kanak. Kedekeli niyo te pedowan se poon niyo. Inangi niyo se mèpiya diyà te otaw egkebensi kenyo.

Mat. 5:44

Meneng mikagi a den diyà kenyo te keilangan kedekelan niyo te pedowan se poon niyo. Keilangan gayed kaw megtawal-tawal diyà te Timanem tepad te otaw egpemilang kenyo.

Ininang 7:60

Penga niyan, limongken si Esteban aw timawal te dakel se kagi din, “E Pengolo, ikà egpelumun kandan te salà ininang dan kanak.” Penga niyan, nematay.

Luc. 6:35

Meneng sikiyo, seini se keilangan inangen niyo. Kedekeli niyo te pedowan se poon niyo. Inangi niyo dan te mèpiya. Pebelesi niyo dan pengkey eked dan iyan keolì. Aw yan se inangen niyo, dakel se ontong ibegay diyà kenyo, aw ipetaga-taga niyo te batà kaw te Timanem, so gayed sikandin egkeido te kedita te otaw pengkey medaet dan aw kenà egpesiontong.

Ininang 14:5

Miglalang heman se menge Judiyo kenà egpemenal aw menge doma otaw kenà Judiyo aw otaw limowan kandan. Ibeg dan peelegen aw bontogan dan te bato si Pablo aw si Bernabe amon matay.