Luc. 6:25 - Manobo Sarangani

²⁵ “Mekelelayò kaw menge otaw doen den kelidoan niyo seini, so bellosen kaw. “Mekelelayò kaw egkebebayat seini, so doen aldaw domateng aw mepuluk kaw aw megkelag kaw.

Luc. 6:25 ပူးပေါင်းရင်းမြစ်များ

Santiago 4:9

Keilangan melidò kaw aw megkelag kaw tandà te ininang niyo medaet. Eked kepakay aw meluba kaw te salà niyo aw mebebayat, so keilangan meyàyà kaw kenyan.

Impekità 3:17

so egduyun kaw te kenyo pegkeotawun te meyeyaman kaw, aw wedad den kolang te kedònan niyo. Meneng wedà niyo ketegahi te sikiyo se ontò nelimahan. Wedà niyo ketegahi te iling kaw te otaw sagkep, aw bota, aw wedad penenaktun.

1 Tesalonika 5:3

Aw mikagi se menge otaw te wedad samok aw wedad kelemitanan, yan pegketà detengan dan te mekebebaet, iling te pegtebò te mesakit domateng te bayi agpet tebawan. Eked dan pekelowà lekat kenyan.

Efeso 5:4

Eked heman kepakay aw mikagi kaw te medaet. Eked heman kepakay aw mikagi kaw te wedad ontong. Eked heman kepakay aw megkebawol kaw te medaet. Meneng keilangan gayed kaw megpesiontong diyà te Timanem.

Luc. 13:28

Aw domateng se aldaw te peglowan te Timanem, ontò kaw megkelag aw megyangget-yangget se ngipen niyo tandà te kegemakan niyo, so kitaen niyo si Abraham, aw si Isaac, aw si Jacob, aw kedita te telekeliwat te kagi te Timanem gebii impeawop din. Meneng sikiyo se ipekesayo aw eked kaw peopi.

Luc. 12:20

Meneng minikagi se Timanem, ‘Wedad palos inenengen nikaw. Matay ka den te delem seini. Pengkey dakel den se kededònan no, meneng ibegay se kedakel niyan diyà te doma otaw.’

Luc. 8:53

Meneng nebebeyatan dan si Jesus, so tapay dan netegahan te ontò den nematay se batà.

Luc. 6:24

“Meneng mekelelayò kaw meyeyaman, so doen den kelubahan niyo aw wedad pa ibegay diyà kenyo.

Luc. 6:26

“Mekelelayò kaw aw iduyun kaw te kedita te otaw, so induyun heman te kemonaan niyo se otaw migpelingo-lingo telekeliwat te kagi te Timanem.”