Luc. 6:23 - Manobo Sarangani

²³ so egtindàten heman te kemonaan dan se menge telekeliwat te kagi te Timanem gebii. Aw yan se domateng diyà kenyo, keilangan ontò kaw meluba, so ontò mèpiya se ontong ibegay kenyo kidoen te langit.

Luc. 6:23 ပူးပေါင်းရင်းမြစ်များ

Impekità 21:7

Doen ontong ibegay ko diyà te kedita te otaw eked dàgi te kededàtan, so siak se Timanem megtonggò kandan, aw meinang dan menge batà ko.

Impekità 3:12

Se kedita te otaw eked dàgi te kededàtan, yan se inangen ko medengeg, so inangen ko dan iling te dimasel tollok kidoen te dakel simbahan te Timanem kidoen te langit. Gayed dan meg-ogpà kidoen, aw solatan ko dan te ngadan te Timanem Amay ko, aw ngadan heman te lonsod eg-ogpaan te Amay ko, sìyan iningedanan Kaling Jerusalem megpedanà lekat te langit aw lekat te Timanem. Solatan ko dan heman te kaling ngadan ko.

Impekità 3:5

Se kedita te otaw eked dàgi te kededàtan, yan se ipesaol ko te mepotì. Eked ko palos gibowi se ngadan dan diyà te libro sinolatan ko te ngadan te kedita te otaw binegayan ko te kaling pedowan wedad temanan. Mikagi a heman diyà te Amay ko aw menge anghil din te yan se menge otaw migpesakop diyà kanak.

Ininang 5:41

Pegkesayo te sogounun i Cristo, ontò neluba se pedowan dan, so aneng-aneng dan, pinemallì dan te Timanem amon pemilangen dan tandà te pegpemenal dan ki Jesus.

Mat. 5:12

Iling heman kenyan se pegpemilang dimateng diyà te menge telekeliwat te kagi te Timanem gebii. Meneng keilangan ontò kaw meluba, so ontò mèpiya se ontong ibegay diyà kenyo doton te langit.”

Impekità 2:26

Se kedita te otaw eked dàgi te kededàtan aw tomolò te ibeg ko lamig te peglikò ko, isogò ko dan amon lomowan dan diyà te kedita te lonsod te keneyonan,

Impekità 2:17

Se kedita niyo domineg te kagi ko, keilangan tomolò kaw te kagi te Espiritu Santo diyà te kedita niyo egpemenal. Se kedita niyo eked dàgi te kededàtan, yan se begayan ko te pan intagò kenyo kidoen te langit. Begayan ko heman sikiyo te bato mepotì sinolatan te kaling ngadan. Se otaw begayan ko kenyan, yan olò se otaw metaga-taga aw sinu se ngadan insolat kidoen.’”

Impekità 2:7

Se kedita niyo domineg te kagi ko, keilangan tomolò kaw te kagi te Espiritu Santo diyà te kedita niyo egpemenal. Se kedita te otaw eked dàgi te kededàtan, yan se pekànen ko te pongo te kayo te kaling pedowan wedad temanan intanem kidoen te langit eg-ogpaan te Timanem.’”

1 Pedro 4:13

Keilangan meluba se pedowan niyo, so iling te migdoma kaw den ki Cristo te pegtayod din te kelimahan dimateng kandin. Aw tomayod kaw te kelimahan, labi kaw pa meluba te aldaw aw komità kaw kandin te peglikò din.

Santiago 1:2

Menge kedowa ko, aw detengan kaw te menge kelimahan, keilangan ontò kaw meluba,

Ininang 3:8

Yan timindeg sikandin aw migpanaw-panaw. Penga niyan, minawop sikandin doton didalem te simbahan doma ki Pedro aw si Juan. Migpanaw-panaw sikandin, aw migtolayun, aw induyun din se Timanem.

Menge Hebreo 11:26

Aneng-aneng din, pengkey mèpiya aw megkeyaman sikandin doton te Ehipto, meneng labi pa mèpiya aw pemilangen sikandin tandà te pegpemenal din te tomanen te Timanem se pakang din, sìyan tinoman din pineokit te pegsogò din te Misiyas. Labi pa iyan mèpiya diyà ki Moises, so egpemenal sikandin te doen ontong ibegay te Timanem diyà kandin te modi aldaw.

Menge Hebreo 11:6

Eked palos keluba se Timanem pineokit te eg-inangen tadon singed aw somalig kidon diyà kandin. Aw megpedapag se otaw diyà te Timanem, keilangan memenal sikandin te doen Timanem, aw keilangan memenal heman sikandin te doen ontong ibegay te Timanem diyà te kedita te otaw mengemahà kandin.

2 Timoteo 2:12

Aw meketayod kidon te pegpemilang kenitadon, lomowan kidon heman doma din. Meneng aw mikagi kidon te kenà kidon sakop din, mikagi heman sikandin te kenà kidon sakop din.

Kolasas 1:24

Pengkey kineleboso a, meneng neluba a den, so pineokit te kelimahan ko, melobos se pedowan niyo diyà ki Cristo. Pineokit te pegtayod ko te kelimahan, kelumunan ko se kelimahan ibeg i Cristo okitan ko amon ketebangan se kedita te otaw egpemenal, kedita tadon impolingun te lawa i Cristo.

2 Korinto 12:10

So egtaking a ki Cristo, ontò a den egkeluba pengkey egkelomay a, aw tompuyusen a, aw egkelimahan a, aw egpemilangen a, aw eg-elegen a, so aw egkelomay a, yan egbegayan a te Timanem te kagsen amon meketayod a.

Roma 5:3

Doen heman doma ingkeluba tadon. Neluba kidon te doen den kelimahan tadon tandà te pegtaking tadon ki Cristo, so pineokit te pegtayod tadon te kelimahan, doen keilingan tadon amon eked kidon dàgi pengkey eden se domateng kenitadon.

Ininang 14:10

aw timawal te dakel se kagi din, “Tindeg ka.” Pegketà neketindeg aw nekeipanaw.

Luc. 6:35

Meneng sikiyo, seini se keilangan inangen niyo. Kedekeli niyo te pedowan se poon niyo. Inangi niyo dan te mèpiya. Pebelesi niyo dan pengkey eked dan iyan keolì. Aw yan se inangen niyo, dakel se ontong ibegay diyà kenyo, aw ipetaga-taga niyo te batà kaw te Timanem, so gayed sikandin egkeido te kedita te otaw pengkey medaet dan aw kenà egpesiontong.

Luc. 1:44

Pegdineg ko te kagi no, miniwal se batà kidoen te getek ko tandà te luba din.

Luc. 1:41

Pegdineg i Elisabet te tawal din, miniwal se batà kidoen te getek din, aw dimateng se Espiritu Santo diyà ki Elisabet.