Luc. 6:22 - Manobo Sarangani

²² “Doen keluba te kedita niyo kebensihan te doma otaw, aw pemilangen, aw tompuyusen, aw tindàten tandà te pegtaking niyo kanak Timanem Migpekeotaw,

Luc. 6:22 ပူးပေါင်းရင်းမြစ်များ

Mat. 10:18

Dekepen kaw aw okomen kaw te menge gobirnador aw menge selotan tandà te pegpesakop niyo diyà kanak, amon meg-indan kaw te kebenalan tepad kanak diyà kandan aw diyà te menge doma otaw kenà Judiyo.

Mat. 10:22

Kebensihan kaw te keditaan te otaw tandà te pegpesakop niyo diyà kanak. Meneng aw tomayod kaw te kedita te kelimahan, ipelowà kaw.

Mat. 10:39

Pengkey ibeg te otaw megkelayat se omol din dini te keneyonan, meneng kunù din gayed matay. Meneng aw mepakay diyà te otaw pengkey imetayan sikandin tandà te pegtaking din kanak, begayan sikandin te kaling pedowan wedad temanan.”

Luc. 20:15

Penga niyan, ginoyod dan sikandin doton te lowà te pawà aw inimetayan dan sikandin. “Nayan, meg-indan a den diyà kenyo aw eden se inangen te tig-apò diyà kandan.

Luc. 21:17

Kebensihan kaw te keditaan te otaw tandà te pegpesakop niyo diyà kanak.

Luc. 6:21

“Doen keluba te kedita niyo binallos seini, so mebesog kaw. “Doen keluba te kedita niyo nelidò seini, so sinelayen kaw te Timanem.

Juan 12:42

Medita se otaw nemenal te si Jesus se insogò te Timanem, aw doen heman menge obanen te Judiyo nemenal. Meneng migbolon dan kenyan so nelemitan dan te eked dan peopi te menge Parisiyo kidoen te simbahan.

Juan 16:2

Domateng se aldaw eked kaw peopi kidoen te menge simbahan te Judiyo. Imetayan kaw heman te otaw meg-aneng-aneng te yan se ibeg te Timanem.

Juan 17:14

Ingkeliwat ko den kandan se kagi no, so netegahan ko te kebensihan dan kwani te menge otaw medaet dini te keneyonan. Kebensihan dan so kenà dan egtaking te otaw medaet dini te keneyonan. Iling heman kanak, kenà a egtaking te otaw medaet dini te keneyonan.

Juan 7:7

Eked kaw kebensihi te menge otaw egtaking te ibeg te keneyonan, meneng kebensihan a dan, so gayed a eg-ikagi diyà kandan te medaet se eg-inangen dan.

Juan 9:34

Minikagi dan, “Pegtebaw no, bota ka so doen salà nikaw. Yan eked kepakay aw sikona se megtoladà kenami.” Penga niyan, impelowà dan sikandin lekat te simbahan.

Ininang 22:22

Pegdineg dan te isogò sikandin doton te menge otaw kenà Judiyo, wedà dan ebey penenalan kandin. Migbelobansag dan, kagi dan, “Imetayan tadon den sikandin. Mèpiya pa aw matay sikandin.”

Ininang 24:5

Netegahan day te ontò medaet se otaw seini, so egsemoken din se kedita te Judiyo dini te kebelad te keneyonan, aw sikandin se egpengibing te menge otaw egpemenal te sebad otaw tege Nasarit.

Ininang 9:16

Ipetaga-taga ko kandin te doen kelimahan domateng diyà kandin tandà te pegtaking din kanak.”

Santiago 1:12

Aw meketayod se otaw te kelimahan, yan se otaw ontò meluba, so penga niyan, doen ontong kinewaen din, se kaling pedowan impakang te Timanem diyà te kedita te otaw doen dakel pedowan kandin.

1 Pedro 3:14

Meneng aw pemilangen kaw tandà te peg-inang niyo te metòlid, meluba se pedowan niyo. Ikà niyo egkelemitan. Ikà niyo egketetana.