Luc. 6:21 - Manobo Sarangani

²¹ “Doen keluba te kedita niyo binallos seini, so mebesog kaw. “Doen keluba te kedita niyo nelidò seini, so sinelayen kaw te Timanem.

Luc. 6:21 ပူးပေါင်းရင်းမြစ်များ

Juan 6:35

Minikagi si Jesus, “Siaken se kànen mekebegay te kaling pedowan wedad temanan. Se otaw tomaking aw memenal kanak, yan se otaw eked palos bellosi aw eked heman palos kelao.

Mat. 5:6

“Doen keluba te kedita te otaw ontò meibeg meg-inang te metòlid, so tebangan dan te Timanem amon mekeinang dan te metòlid.

Santiago 1:12

Aw meketayod se otaw te kelimahan, yan se otaw ontò meluba, so penga niyan, doen ontong kinewaen din, se kaling pedowan impakang te Timanem diyà te kedita te otaw doen dakel pedowan kandin.

Luc. 1:53

Begayan din se otaw sagkep te mèpiya tabang, meneng ipekesayo din se otaw meyaman te wedad ibegay kandan.

Mat. 5:4

“Doen keluba te kedita te otaw nelidò se pedowan dan, so sinelayen dan te Timanem.

Impekità 7:16

Eked den dan bellosi. Eked den dan heman kelao. Eked den dan ketapì tandà te keinit te aldaw, aw pengkey eden kemoloi te keinit,

Luc. 6:25

“Mekelelayò kaw menge otaw doen den kelidoan niyo seini, so bellosen kaw. “Mekelelayò kaw egkebebayat seini, so doen aldaw domateng aw mepuluk kaw aw megkelag kaw.

1 Korinto 4:11

Lamig seini, egbellosen kay, aw egkelao kay, aw wedad nael penenaktun day, aw pineeleg kay, aw lomelegeb kay so wedad balay day.

Juan 4:10

Timaba si Jesus, “Aw netegahan no pa aw eden se ibowang te Timanem kamno, aw netegahan no heman aw sinu se nemoyò te wayeg diyà kamno, sikona se memoyò diyà kanak, aw begayan ta te wayeg egpemegay te pedowan.”

Genesis 21:6

Minikagi si Sara, “Binegayan a den te Timanem te keluba, aw yan egkebebayat a den. Mebebayat heman se kedita te otaw domineg tepad kani tandà te keluba dan.”

Genesis 17:17

Limongken si Abraham lamig minapet se olo din diyà te tanà. Nebebayat sikandin, so mig-aneng-aneng sikandin, “Pengkey sebad gatos se omay ko, meneng doen kedì batà ko tomebaw. Pengkey kesyaman se omay i Sara, meneng tebawan kedì sikandin te batà.”

Impekità 21:3

Doen dinineg ko timawal kidoen te onsedanan te peglowan, kagi din, “Na, meg-ogpà den se Timanem doma te otaw. Meg-ogpà doma kandan, aw meinang sakop din se kedita dan, aw sikandin se meg-ipat kandan, aw sikandin se gayed dan egseligan.

2 Korinto 12:10

So egtaking a ki Cristo, ontò a den egkeluba pengkey egkelomay a, aw tompuyusen a, aw egkelimahan a, aw egpemilangen a, aw eg-elegen a, so aw egkelomay a, yan egbegayan a te Timanem te kagsen amon meketayod a.

2 Korinto 11:27

Seini heman se menge neokitan ko. Ontò a migkelomay tandà te terbaho ko. Melikit a kenà egpeketedogi te delem. Egbellosen a, egkelao a, aw melikit kenà botong se kànen ko aw penenaktun. Neketayod a te wedad heman eg-ogpaan ko.

2 Korinto 6:10

Pengkey medita se kelidoan ko dini te keneyonan seini, meneng gayed doen luba ko lekat ki Cristo. Sagkep a, meneng dakel se ipegkeliwat ko diyà te doma otaw pineokit te pegtoladà ko kandan. Wedad kedònan ko dini te keneyonan, meneng doen dakel ontong intagò kanak doton te langit.

Juan 11:35

Penga niyan, migkelag heman si Jesus.

Luc. 6:20

Penga niyan, timengteng si Jesus diyà te menge tinoledaan din aw minikagi, “Doen keluba te kedita niyo sagkep, so lomowan se Timanem diyà kenyo.

Luc. 6:22

“Doen keluba te kedita niyo kebensihan te doma otaw, aw pemilangen, aw tompuyusen, aw tindàten tandà te pegtaking niyo kanak Timanem Migpekeotaw,