Luc. 6:20 - Manobo Sarangani

²⁰ Penga niyan, timengteng si Jesus diyà te menge tinoledaan din aw minikagi, “Doen keluba te kedita niyo sagkep, so lomowan se Timanem diyà kenyo.

Luc. 6:20 ပူးပေါင်းရင်းမြစ်များ

Santiago 2:5

Menge kedowa egkedekelan ko te pedowan, penenalan kaw te kagi ko seini. Pengkey deitek se kedònan te otaw sagkep dini te keneyonan, yan se otaw pinemallì te Timanem amon dakel se pegsalig dan kandin, aw mekeakop dan heman diyà te peglowan din, so yan se impakang din diyà te kedita te otaw doen dakel pedowan kandin.

2 Korinto 8:9

Ikà niyo egkelibel te tabang te Pengolo tadon si Jesu Cristo, so peg-ogpà din doton te langit, sikandin se tig-apò te kedita, meneng tinenanan din se kedita niyan, aw migpekeotaw amon tebangan kaw din, amon lekat kenyan meketig-apò kaw te mèpiya doton te langit.

Luc. 12:32

“Ikà niyo egkelemitan. Pengkey pilabok kaw, meneng pinemallì kaw te Timanem amon megpesakop kaw diyà te peglowan din.

Mat. 25:34

so mikagi a diyà te menge otaw lenged te kowanan ko, ‘Taking kaw den kanak, so pinemallì kaw te Amay ko Timanem amon meluba kaw. Metoman den iyan so megtebò a den lomowan diyà kenyo iling te peglalang te Amay ko te wedà pa inangi se keneyonan.

Impekità 2:9

Netegahan ko te egtayod kaw te pegpemilang te doma otaw kenyo. Netegahan ko heman te ontò kaw sagkep, meneng meyaman kaw doton te langit. Netegahan ko heman te egbàtan-bàtan kaw te menge Judiyo. Pengkey eg-aneng-aneng dan te ontò dan Judiyo, meneng migpesakop dan diyà ki Satanas.

2 Korinto 6:10

Pengkey medita se kelidoan ko dini te keneyonan seini, meneng gayed doen luba ko lekat ki Cristo. Sagkep a, meneng dakel se ipegkeliwat ko diyà te doma otaw pineokit te pegtoladà ko kandan. Wedad kedònan ko dini te keneyonan, meneng doen dakel ontong intagò kanak doton te langit.

Santiago 1:12

Aw meketayod se otaw te kelimahan, yan se otaw ontò meluba, so penga niyan, doen ontong kinewaen din, se kaling pedowan impakang te Timanem diyà te kedita te otaw doen dakel pedowan kandin.

2 Tesalonika 1:5

Pineokit kenyan, impetaga-taga te Timanem te metòlid se peg-okom din, so pineokit te pegtayod niyo te kelimahan egkeokitan niyo, ipetaga-taga din te neketagad kaw mekesakop diyà te peglowan din.

1 Tesalonika 1:6

Netegahan day te pinemallì kaw te Timanem so neinang kaw iling kenami aw iling heman te Pengolo tadon. Pengkey pinemilang kaw tandà te pegpemenal niyo te kagi te Timanem, meneng binegayan kaw te Espiritu Santo te keluba te pedowan niyo.

2 Korinto 8:2

Pengkey ontò dan nelimahan so pinemilang dan, meneng labi dan pa neluba, aw bowasag dan te pegpemegay dan te bowang, pengkey ontò dan sagkep,

Ininang 14:22

Migtoladà dan te menge otaw egpemenal, aw mig-antag dan te pedowan te menge otaw kidoen amon melobos se pegsalig dan te Timanem. Minikagi dan, “Onà kidon tomayod te kelimahan, aw penga niyan lomowan se Timanem diyà kenitadon.”

Luc. 14:15

Nayan, sagwa dimineg se sebad otaw kimaen doma din, minikagi sikandin, “Aw lomowan se Timanem, ontò kidon meluba aw ipetanod kidon din te peg-inang din te dakel kànen.”

Luc. 13:28

Aw domateng se aldaw te peglowan te Timanem, ontò kaw megkelag aw megyangget-yangget se ngipen niyo tandà te kegemakan niyo, so kitaen niyo si Abraham, aw si Isaac, aw si Jacob, aw kedita te telekeliwat te kagi te Timanem gebii impeawop din. Meneng sikiyo se ipekesayo aw eked kaw peopi.

Luc. 4:18

“Dini kanak se Espiritu Santo, so pinemallì a din amon megtoladà a te Mèpiya Indan diyà te menge otaw sagkep. Insogò a din amon mikagi a diyà te menge otaw kineleboso te ipelowà den dan te Timanem. Insogò a heman amon mikagi a diyà te menge otaw bota te komità den dan. Insogò a din amon megpelowà a te kedita te otaw nelimahan,

Mat. 11:5

Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Luc. 16:25

Meneng minikagi si Abraham, ‘Atò, eneng-enengi ini. Te wedà ka pa kematay, wedad palos lidò no so dakel se kedònan no mèpiya, meneng gayed doen kelimahan i Lazaro. Nayan, ontò den sikandin neluba dini, aw sikona den se ineleg kidoen.

Mat. 5:1

Pegkità i Jesus te medita se otaw netipon, timikedeg sikandin te bontod aw nenenoo kidoen. Migpedapag se kedita te otaw tinoledaan din,