Luc. 6:19 - Manobo Sarangani

¹⁹ Migtelaman se kedita te otaw memaed kandin, so doen tolos din aw yan se doun te nekebatog sikandin migpegolì te kedita dan.

Luc. 6:19 ပူးပေါင်းရင်းမြစ်များ

Mat. 14:36

Nemoyò dan diyà ki Jesus aw mepakay dan olò memaed te toktok te saol din, aw negolian se kedita dan nemaed kenyan.

Mar. 3:10

Medita se otaw pinegolian din, aw yan medita se otaw doen mesakit migpeegaway se migpedapag diyà kandin amon memaed dan kandin aw kegolian dan.

Mar. 6:56

Pengkey doton te lonsod aw mediyò te lonsod, pengkey kenan pesalo si Jesus, inibing dan se otaw doen mesakit doton te pedyanan, aw nemoyò dan diyà ki Jesus aw mepakay dan olò memaed te toktok te saol din, aw negolian se kedita dan nemaed kenyan.

Mar. 5:30

Pegketaga-taga i Jesus te doen neinang pineokit te tolos din, miniling sikandin aw timengteng diyà te menge otaw timaking kandin, aw minikagi, “Sinu lay se nemaed te saol ko?”

1 Pedro 2:9

Meneng kenà kaw iling kandan, so sikiyo se pinemallì te Timanem aw ininang kaw menge batà din. Ininang kaw din menge pengolo te simbahan eglowanan i Cristo. Ininang kaw din menge sakop din egpenimanem, aw tinig-apò kaw din heman. Pinemallì kaw din amon meg-indan kaw te doma otaw tepad te menge mèpiya ininang din diyà kenyo, so pegtawal din kenyo amon megpesakop kaw diyà kandin, inalin kaw din lekat te kengitngit doton te mèpiya kelowahan din.

Mar. 8:22

Nayan, dimoton si Jesus aw menge tinoledaan din te Bitsayda. Doen menge otaw nengibing te otaw bota doton ki Jesus, aw nemoyò dan te pemàdan din sikandin amon kegolian.

Ininang 19:12

so pengkey kelobaw aw penenaktun din ipeg-ated dan doton te otaw doen mesakit, amon kegolian se otaw sìyan doen mesakit, aw amon mekelowà se bosaw lekat te doma otaw.

Luc. 5:17

Nayan, pegtoladà i Jesus, nenenalan kandin se menge Parisiyo, aw doen heman menge menenoladà te punù ingkeliwat i Moises. Lekat dan te medita ogpeanan kidoen te probinsya te Galiliya aw Judiya, aw lekat te lonsod te Jerusalem. Doen tolos i Jesus lekat te Timanem amon megpegolì te menge otaw doen mesakit.

Luc. 6:18

Dimoton heman kandin se otaw dinetengan te bosaw aw migkèpiya dan.