Luc. 6:13 - Manobo Sarangani

¹³ Pegkeiselem, tinawal din se kedita te otaw tinoledaan din. Penga niyan, pinemallì din se sempolò teg dowa otaw megtelaban kandin, aw iningedanan din dan menge apostol.

Luc. 6:13 ပူးပေါင်းရင်းမြစ်များ

Impekità 21:14

Doen sempolò teg dowa dakel bato pinetindegan te alad, aw sinolatan se bato te menge ngadan te sempolò teg dowa sogounun te Karniro.

Efeso 4:11

Sikandin se nemegay kenitadon te menge kinemoloan te kebiyasa amon megpetebangay kidon. Doen menge sogounun i Cristo. Doen heman menge telekeliwat te kagi te Timanem. Doen heman menge otaw egtoladà te Mèpiya Indan tepad ki Cristo. Doen heman menge otaw biyasa egpengibing aw egtoladà te menge otaw egpemenal.

Mar. 6:30

Nayan, peg-olì te menge sogounun i Cristo doton kandin, mig-indan dan diyà kandin tepad te kedita te ininang dan aw intoladà dan.

Mar. 6:7

Doen sebad aldaw migtipon sikandin te sempolò teg dowa tinoledaan din. Imbegay din diyà kandan se tolos amon megpelowà dan te bosaw lekat te otaw, aw insogò din dan teg dowa-dowa doton te menge doma ogpeanan.

Mat. 9:36

Pegkità din te medita otaw netipon diyà kandin, ontò din dan neidowan, so ontò dan nelimahan aw wedad egtabang kandan. Iling dan te menge ayam-ayam karniro megketading te eked kenamay aw wedad megdiyaga kandan.

Impekità 18:20

Keilangan meluba kaw tege langit, so nebàtan den iyan. Keilangan meluba kaw menge sakop te Timanem, aw sogounun i Cristo, aw telekeliwat te kagi te Timanem, so impelumun den te Timanem se lonsod sìyan tandà te pegpemilang niyan kenyo.

Impekità 12:1

Penga niyan, doen dakel ledyawan kinità ko kidoen te langit. Kinità ko se bayi migdagom te aldaw, aw doen bolan kidoen te salad te benis din, aw doen korona insangkob din diyà te olo din ininang te sempolò teg dowa bitoen.

2 Pedro 3:2

Ibeg ko meg-aneng-aneng kaw tepad te kagi insolat te menge telekeliwat te kagi te Timanem gebii, aw tepad te insogò te Pengolo tadon migpelowà kenitadon, sìyan impetaga-taga din diyà kenyo pineokit te menge sogounun din.

Menge Hebreo 3:1

Menge kedowa ko tinawal aw sinakop te Timanem, peg-aneng-aneng kaw den tepad ki Jesus pinemenalan tadon. Sikandin se insogò te Timanem dini te tanà, aw sikandin se egkagon kenitadon doton te Timanem.

Efeso 2:20

Se kedita tadon egpemenal, iling kidon te balay, aw iling te tollok te balay se menge sogounun i Cristo aw menge telekeliwat te kagi te Timanem. Si Jesu Cristo se iling te bato pinetindegan te balay sìyan.

Ininang 1:13

Pegdateng dan doton te Jerusalem, netipon dan doton te gibelayan te balay inogpaan dan. Seini se otaw netipon. Si Pedro aw si Juan aw si Santiago aw si Andres, si Felipe aw si Tomas, si Bartolome aw si Mateo, si Santiago batà i Alfeo, si Simon meyseg, aw si Judas batà te kesangay i Santiago.

Luc. 22:30

se megdoma kanak te pegkaen ko kidoen te peglowan ko. Sikiyo heman se isawol ko lomowan diyà te sempolò teg dowa pongan te menge bowad-bowad i Israel.”

Luc. 11:49

Yan se doun te minikagi se Timanem, ‘Isogò ko doton kandan se menge telekeliwat te kagi ko aw menge sogounun ko. Meneng doen imetayan dan, aw pemilangen dan heman se doma.’

Mat. 19:28

Minikagi si Jesus, “Eneng-enengi niyo se kagi ko kenyo seini. Aw inangen te Timanem kaling se keneyonan, menenoo a Timanem Migpekeotaw doton te melangkaw onsedanan te peglowan. Sikiyo menge tinoledaan ko, menenoo kaw heman doton te sempolò teg dowa onsedanan te peglowan, so lomowan kaw diyà te sempolò teg dowa pongan te menge bowad-bowad i Israel.

Mat. 10:2

Seini se ngadan te sempolò teg dowa sogounun i Cristo, si Simon iningedanan din ki Pedro, aw kedowa din si Andres, aw didowa batà i Sebedeo si Santiago aw si Juan,

Luc. 6:14

Sikandan si Simon iningedanan i Jesus ki Pedro, aw kedowa din si Andres, aw si Santiago, si Juan, si Felipe, si Bartolome,

Juan 4:33

Yan migpeinsaay dan, “Doen lay lebò nemegay kandin te kànen?”