Luc. 6:12 - Manobo Sarangani

¹² Nayan, wedà kenamay, timikedeg si Jesus doton te bontod amon megtawal-tawal. Timayod sikandin te delem aw migtawal-tawal diyà te Timanem.

Luc. 6:12 ပူးပေါင်းရင်းမြစ်များ

Menge Hebreo 5:7

Pegtawal-tawal i Jesus diyà te Amay din dalem te peg-ogpà din dini lanto te tanà, seletà migpegais sikandin aw migkelag, so mekebatog se Timanem megpelowà kandin lekat te kemetayun. So ibeg i Jesus tomolò, yan se doun te nenenalan se Timanem kandin.

Mar. 6:46

Pegkesayo dan, timikedeg si Jesus doton te bontod amon megtawal-tawal.

Mar. 1:35

Pegkeiselem niyan te wedà pa libtak se aldaw, minenaw si Jesus aw dimoton te wedad otaw eg-ogpà, aw migtawal-tawal doton.

Kolasas 4:2

Se kedita niyo, keilangan gayed kaw megtawal-tawal. Ikà niyo eglengà te pegtawal-tawal, aw keilangan megpesiontong kaw diyà te Timanem.

Mat. 6:6

Meneng aw megtawal-tawal kaw, pegsiolì kaw. Tekepi niyo se lelebangan, aw pegtawal-tawal kaw diyà te Amay niyo Timanem eked kitai. Pengkey eked kaw kitai te doma otaw, komità se Timanem kenyo, aw begayan kaw din te ontong.

Mat. 5:1

Pegkità i Jesus te medita se otaw netipon, timikedeg sikandin te bontod aw nenenoo kidoen. Migpedapag se kedita te otaw tinoledaan din,

Mar. 3:13

Nayan, timikedeg si Jesus te bontod, aw tinawal din se menge otaw pinemallì din, aw dimoton dan kandin.

Luc. 5:16

Meneng melikit egdoton si Jesus te kebigtilan amon megtawal-tawal.

Luc. 6:11

Meneng ontò neopal se menge Parisiyo aw menenoladà te punù. Yan migpebelaw-belaway dan aw menonen dan si Jesus.

Luc. 6:17

Nayan, timopang si Jesus tinekingan te menge tinoledaan pinemallì din, aw timindeg dan kidoen te tanà mepantal. Ontò medita se otaw gayed egtaking kandan, aw minakop diyà kandan se ontò medita otaw lekat te kedita te lonsod sakop te probinsya te Judiya, aw lekat te Jerusalem, aw pengkey lekat te Tiro aw Sidon medapag te dagat. Netipon se kedita dan amon menenalan ki Jesus, aw amon kegolian se mesakit dan.

Luc. 9:18

Nayan, doen sebad aldaw migtawal-tawal si Jesus sebad din, aw medapag heman kidoen se menge tinoledaan din. Penga niyan, mig-insà si Jesus diyà kandan, kagi din, “Eden lay se kagi te kedita te otaw tepad kanak? Sinu a lay ekon?”

Luc. 9:28

Nayan, penga te sebad simana lekat te peg-ikagi i Jesus kenyan, impetaking din si Pedro, si Juan, aw si Santiago, aw timikedeg dan doton te bontod amon megtawal-tawal dan.

Luc. 9:29

Dalem te pegtawal-tawal i Jesus, netodà se bawa din, aw ontò migkepotì se kedakel te penenaktun din.

Juan 6:3

Timikedeg si Jesus aw menge tinoledaan din te bontod, aw nenenoo dan kidoen.