Luc. 5:8 - Manobo Sarangani

⁸ Si Simon, se doma ngadan din si Pedro, pegkità din kenyan, limongken diyà ki Jesus aw minikagi, “Pengolo, kesayo ka lekat kanak, so nelegeb a te salà.”

Luc. 5:8 ပူးပေါင်းရင်းမြစ်များ

Mat. 17:6

Pegdineg dan kenyan, nekelemlem dan so ontò dan nelemitan.

Mat. 2:11

Peg-awop dan kidoen te balay, kinità dan se batà aw inay din si Maria. Limongken dan aw migsimba dan te batà. Penga niyan, inokal dan se kekanà inibing dan, menge bolawan, aw metinadeg sonogen, aw bebolong te saka iningedanan mira. Tinigkan dan iyan imbowang diyà ki Jesus.

Mat. 8:8

Meneng minikagi se kapitan, “Sir, meyàyà a aw ipeawop ta diyà te balay ko, so ontò a medanà diyà kamno. Meneng botong aw olò ka mikagi te kegolian se sineligan ko, so metoman iyan.

Luc. 5:7

Penga niyan, kinapay dan se menge otaw kidoen te doma belangay amon megtelaban kandan. Pegdateng dan doton, miglolan dan te ikan lamig agpet den meteled se didowa belangay so nepenò te ikan.

Luc. 5:9

Yan se inikagi din so ontò nepela si Pedro aw menge doma din, so ontò medita se ikan neabat dan.

Juan 11:32

Meneng pegdateng i Maria doton ki Jesus, limongken sikandin, aw minikagi, “Pengolo, simpana dini ka, eked peden kematay se kedowa ko.”

1 Korinto 13:12

Songkani, se pegketaga-taga tadon, yan se iling te bawa kitaen tadon diyà te ispiho eked ontò kebangal. Meneng doen kwani aldaw domateng, bawa i Cristo se ontò tadon kitaen. Pengkey wedà pa kesikop se netegahan ko, meneng domateng kwani se aldaw mesikop se netegahan ko iling te pegketaga-taga te Timanem kanak.

Impekità 1:17

Pegkità ko kandin, ontò a nelemitan aw limemlem a diyà te monà din. Wedà a pekeiwal so iling a te otaw nematay. Meneng pinemàdan a din te kowanan belad din aw impetindeg a din. Minikagi sikandin, “Ikà egkelemitan. Siaken se keteboan aw temanan te kedita.