Luc. 5:5 - Manobo Sarangani

⁵ Meneng timaba si Simon, “Pengolo, nemokot kay timayod te delem, meneng wedad palos neabat day. Meneng so simogò ka, megdagdag kay te pokot.”

Luc. 5:5 ပူးပေါင်းရင်းမြစ်များ

Juan 2:5

Minikagi se inay din diyà te menge sineligan, “Pengkey eden se ipunù din kenyo, tolò kaw.”

Juan 15:14

Aw tomolò kaw te menge punù ko kenyo, sikiyo se menge sigalak ko.

Juan 21:3

Minikagi si Pedro, “Memokot a.” Minikagi heman se doma, “Tomaking kay heman kamno.” Penga niyan, timegbeng dan doton te lanaw, aw simakay dan te belangay. Pengkey timayod dan te delem, meneng wedad neabat dan.

Luc. 8:24

Penga niyan, linoka dan si Jesus, kagi dan, “Pengolo, melemes kidon den.” Neloka si Jesus aw sinagda din se kelamag aw dakel balud. Timunung se kelamag aw migkelinaw se lanaw.

Luc. 17:13

meneng timawal dan, “Jesus, Pengolo, keidowi kay bag.”

Luc. 9:33

Dalem te pegkesayo i Moises aw si Elias lekat ki Jesus, minikagi si Pedro diyà ki Jesus, “Pengolo, mèpiya so dini kay. Ibeg day meg-inang kay den te telo balay amon doen ogpaan te teg sebad-sebad kenyo si Moises aw si Elias.” Pengkey yan se inikagi i Pedro, meneng wedà din kelebeti aw eden se inikagi din.

Luc. 9:49

Nayan, minikagi si Juan, “Pengolo, doen otaw kinità day migpelowà te bosaw lekat te menge otaw pineokit te ngadan nikaw. Meneng sinagda day sikandin so wedà pekeakop diyà kenitadon.”

Luc. 8:45

Penga niyan, mig-insà si Jesus, “Sinu lay se nemaed kanak?” Meneng wedad otaw mig-indan. Minikagi si Pedro, “Pengolo, ikà eg-insà aw sinu se nemaed kamno, so pigdenganan ka te medita otaw.”