Luc. 5:35 - Manobo Sarangani

³⁵ Meneng doen aldaw domateng aw meabat lekat kandan se meama peipiden, aw yan se aldaw megpowasa dan so mepuluk dan.”

Luc. 5:35 ပူးပေါင်းရင်းမြစ်များ

Luc. 17:22

Penga niyan, minikagi si Jesus diyà te menge tinoledaan din, “Doen aldaw domateng aw meibeg kaw peden te megtebò a lomowan Timanem Migpekeotaw, meneng keilangan megtagad kaw pa kenyan.

2 Korinto 11:27

Seini heman se menge neokitan ko. Ontò a migkelomay tandà te terbaho ko. Melikit a kenà egpeketedogi te delem. Egbellosen a, egkelao a, aw melikit kenà botong se kànen ko aw penenaktun. Neketayod a te wedad heman eg-ogpaan ko.

1 Korinto 7:5

Ikà niyo eg-eked te pegpeleyokay singed aw megsebad se pedowan niyo te eked kaw pegpeleyokay te pila se aldaw amon tomayod kaw megtawal-tawal. Pegkepenga niyan, todà kaw pegpeleyokay amon eked kaw keboyo i Satanas pineokit te ibeg te lawa niyo.

Ininang 14:23

Doen heman otaw pinemallì i Pablo aw si Bernabe doton te teg sebad-sebad lonsod, amon isawol dan egpengibing te simbahan. Doen aldaw migpowasa dan, aw nemoyò dan te tebangan dan te Pengolo egseligan dan.

Ininang 3:21

meneng songkani eg-ogpà pa sikandin doton te langit lamig te todaen te Timanem se kedita, so yan se impakang te Timanem kenitadon Judiyo aw impekeliwat din iyan pineokit te telekeliwat te kagi din.

Ininang 1:9

Penga niyan te telobo dan pa timengteng ki Jesus, neengat sikandin doton te langit. Neselibengan sikandin te labon.

Juan 16:28

Insogò a din dini te keneyonan, aw mesayo a den lekat te keneyonan amon molì a doton te Amay ko.”

Juan 13:33

“Menge batà ko, eked den kenamay se pegdoma ko kenyo. Penga niyan, pengkey pemehaen a niyo, meneng onawa se kagi ko kenyo te inikagi ko kedengan diyà te menge obanen te Judiyo, te eked kaw pa pekedoton te dotonan ko.

Juan 12:8

Gayed doen otaw sagkep mebatog niyo tebangan. Meneng eked a gayed peg-ogpà dini kenyo.”

Mat. 9:15

Minikagi si Jesus, “Aw doen peipid, eked kepuluk se menge sigalak te meama peipiden dalem te kidoen pa sikandin. Meneng doen aldaw domateng aw meabat lekat kandan se meama peipiden, aw yan se aldaw megpowasa dan so mepuluk dan.”

Mar. 2:20

Meneng doen aldaw domateng aw meabat lekat kandan se meama peipiden, aw yan se aldaw megpowasa dan so mepuluk dan.”

Luc. 5:34

Minikagi si Jesus, “Aw doen peipid, eked kepuluk se menge sigalak te meama peipiden dalem te kidoen pa sikandin.

Luc. 5:36

Mig-indan heman si Jesus te menge tegdeyanan tepad te kaling itoladà din, kagi din, “Aw doen kaling penenaktun, wedad otaw meglisì kenyan amon doen itompal te pepidit din, so aw yan se inangen din, kebàtan se kaling penenaktun, aw kenà onawa se batek te pepidit aw itompal kenyan.