Luc. 5:24 - Manobo Sarangani

²⁴ Meneng so Timanem a Migpekeotaw, ipekità ko den kenyo te mekebatog a megwedad te salà te otaw dini te tanà.” Penga niyan, minikagi si Jesus diyà te otaw kenà egpekeiwal, “Enaw ka. Loloni se inibatan no, aw olì ka den.”

Luc. 5:24 ပူးပေါင်းရင်းမြစ်များ

Impekità 1:13

Kidoen te tengà-tengà te pito solò, doen kinità ko iling te bawa te Timanem Migpekeotaw. Melayat se saol din, aw bolawan se in-elen din.

Ininang 14:10

aw timawal te dakel se kagi din, “Tindeg ka.” Pegketà neketindeg aw nekeipanaw.

Ininang 9:40

Meneng impelowà i Pedro se kedita dan kidoen. Limongken si Pedro aw migtawal-tawal diyà te Timanem. Penga niyan, minasdang diyà te lawa te nematay aw minikagi, “E Tabita, enaw ka.” Penga niyan, gimimata si Dorcas. Pegkità din ki Pedro, minenaw.

Ininang 9:34

Minikagi si Pedro kandin, “E Eneas, enaw ka, so pinegolì ka i Jesu Cristo. Loloni se inibatan nikaw.” Pegketà minenaw si Eneas.

Ininang 5:31

Penga niyan, inantay sikandin te Timanem metolos aw ininang din melangkaw doton te langit, so sikandin se lomowan kenitadon aw megpelowà kenitadon lekat te salà. Ibeg din megselsel kaw te salà amon pegwedaden din se salà niyo.

Juan 17:2

Insalig no kanak se peglowan diyà te kedita te otaw amon mekebegay a te kaling pedowan wedad temanan diyà te kedita te otaw imbegay no kanak.

Juan 11:43

Penga te pegtawal-tawal i Jesus, timawal sikandin te dakel se kagi din, “Lazaro, lowà ka den kidoen.”

Juan 5:27

So siak se Timanem Migpekeotaw, binegayan a din heman te peg-okom te otaw.

Juan 3:13

Wedad palos otaw nenayit doton te langit, meneng olò siak Timanem Migpekeotaw se timenà lekat te langit.

Luc. 8:54

Meneng pinemàdan din se belad te batà, aw minikagi te dakel se kagi din, “Atà, enaw ka.”

Luc. 7:14

Penga niyan, migpedapag si Jesus aw nemaed te inibatan te nematay, aw yan simagked se otaw nengibing kenyan. Minikagi si Jesus diyà te nematay, “Atò, enaw ka.”

Luc. 5:13

Nemaed si Jesus kandin, aw minikagi, “Meibeg a. Kegolian ka.” Pegketà, negolian sikandin.

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

Mat. 26:64

Minikagi si Jesus, “Benal se inikagi nikaw. Mikagi a den kani diyà kenyo. Te eked kenamay, komità kaw kanak Timanem Migpekeotaw egpenenoo kidoen te tangkil te Amay ko metolos amon lomowan a doma din. Lomikò a heman dini lekat te langit tekingan te labon.”

Mat. 25:31

“Aw lomikò a Timanem Migpekeotaw amon lomowan a, tekingan a te kedita te anghil. Penga niyan, menenoo a kidoen te melangkaw onsedanan te peglowan amon meg-okom a te kedita te otaw

Mat. 16:13

Nayan, dimoton si Jesus te lonsod medapag te Sesarya Filipos. Pegdateng din doton, mig-insà sikandin diyà te menge tinoledaan din, kagi din, “Eden lay se kagi te kedita te otaw tepad te Timanem Migpekeotaw? Sinu a lay ekon?”

Mat. 9:6

Meneng so Timanem a Migpekeotaw, ipekità ko den kenyo te mekebatog a megwedad te salà te otaw dini lanto te tanà.” Penga niyan, minikagi si Jesus diyà te otaw kenà egpekeiwal, “Enaw ka. Loloni se inibatan no, aw olì ka den.”

Mat. 4:24

Yan se doun te ontò sikandin nedengeg doton te kebelad te Sirya. Pinegolian din se kedita te otaw doen mesakit inibing diyà kandin, pengkey eden kemoloi te mesakit, aw otaw dinetengan te bosaw, aw otaw pigbaboy, aw otaw kenà egpekeiwal. Negolian se kedita dan.

Luc. 5:18

Wedà kenamay, dimateng se otaw neningga te otaw kenà egpekeiwal. Ibeg dan ipeawop sikandin diyà te balay amon ibingen doton ki Jesus.

Luc. 5:23

Mola megpelingo-lingo se otaw megwedad te salà. Meneng eked pekebatog se otaw megpegolì te otaw kenà egpekeiwal singed aw doen tolos te Timanem diyà kandin.