Luc. 5:21 - Manobo Sarangani

²¹ Meneng migpebelaw-belaway se menge Parisiyo aw menenoladà te punù ingkeliwat i Moises, kagi dan, “Eked kepakay se inikagi din sìyan. Migtompuyus sikandin te Timanem, so wedad mekebatog megwedad te salà meneng olò Timanem.”

Luc. 5:21 ပူးပေါင်းရင်းမြစ်များ

Juan 10:33

Timaba se menge obanen te Judiyo, “Bontogan day sikona te bato kenà so mig-inang ka te kepelahan, meneng bontogan ka so migtompuyus ka te Timanem. Pengkey olò ka otaw, meneng minikagi ka den seini te Timanem ka.”

Luc. 7:49

Nepela se menge otaw kimaen doma din, so aneng-aneng dan eked kepakay aw sikandin se megwedad te salà te otaw.

Mat. 26:65

Penga niyan, miglisì se ontò pengolo te simbahan te saol din tandà te keopal din, aw minikagi sikandin, “Migtompuyus sikandin te Timanem, so migpelingo-lingo sikandin Batà te Timanem. Wedad den kekemowan te peg-indan te doma otaw diyà kenitadon tepad kandin, so dinineg tadon den se pegtompuyus din te Timanem.

Roma 8:33

Wedad palos mekeikagi te doen pa salà tadon. Pinemallì kidon te Timanem aw sikandin se mig-aneng-aneng te metòlid kidon.

Luc. 5:17

Nayan, pegtoladà i Jesus, nenenalan kandin se menge Parisiyo, aw doen heman menge menenoladà te punù ingkeliwat i Moises. Lekat dan te medita ogpeanan kidoen te probinsya te Galiliya aw Judiya, aw lekat te lonsod te Jerusalem. Doen tolos i Jesus lekat te Timanem amon megpegolì te menge otaw doen mesakit.

Mat. 9:3

Nayan, doen menge menenoladà te punù mig-aneng-aneng te migtompuyus si Jesus te Timanem pineokit te kagi din sìyan.

Luc. 3:8

Aw migselsel kaw den, petega-tegahi niyo iyan pineokit te eg-inangen niyo. Ikà niyo eg-aneng-aneng te eked kaw pelumuni so bowad-bowad kaw i Abraham. Eneng-enengi niyo se kagi ko seini. Pengkey se menge bato seini te lanto te tanà, mepakay iyan inangen te Timanem menge bowad-bowad i Abraham amon somelilin dan kenyo.

Luc. 5:22

Meneng netegahan i Jesus aw eden se pigbelaw-belaway dan, aw minikagi sikandin, “Nengà lay egdowa-dowa se aneng-aneng niyo?