Luc. 5:20 - Manobo Sarangani

²⁰ Pegkità i Jesus te ontò dan simalig diyà kandin, minikagi sikandin, “Elew, pigwedad den se salà nikaw.”

Luc. 5:20 ပူးပေါင်းရင်းမြစ်များ

Ininang 14:9

Nenenalan sikandin te intoladà i Pablo. Penga niyan, netegahan i Pablo te nemenal se otaw kapig te mekebatog se Timanem megpegolì kandin. Yan nenginoet si Pablo kandin

Mat. 9:2

Wedà kenamay, dimateng se otaw neningga te otaw kenà egpekeiwal. Pegkità i Jesus te ontò dan simalig diyà kandin, minikagi sikandin diyà te otaw kenà egpekeiwal, “Elew, peseligi se pedowan no, so pigwedad den se salà nikaw.”

Luc. 7:48

Penga niyan, minikagi si Jesus diyà te bayi, “Pigwedad den se salà nikaw.”

Kolasas 3:13

Keilangan megpetebangay kaw. Aw doen otaw meg-inang te salà diyà kenyo, keilangan pegwedaden niyo iyan amon megsebad kaw, so keilangan meg-iling kaw te Pengolo tadon te pegwedad din te menge salà ininang niyo.

Juan 2:25

so netegahan din aw eden se awop te pedowan te kedita te otaw. Pengkey wedad mig-indan kandin tepad te awop te pedowan te otaw, meneng netegahan din den iyan, so tapay din netegahan aw eden se pedowan te otaw.

Mar. 2:5

Pegkità i Jesus te ontò dan simalig diyà kandin, minikagi sikandin diyà te otaw kenà egpekeiwal, “Elew, pigwedad den se salà nikaw.”

Santiago 2:18

Meneng doen besi otaw eg-ikagi te meluba se Timanem aw olò memenal se otaw. Doen besi heman doma otaw eg-ikagi te meluba se Timanem aw olò meg-inang se otaw te mèpiya. Meneng seini se itaba ko kenyan. Aw wedad mèpiya eg-inangen niyo, wedad ipekità niyo te benal nemenal kaw ki Cristo. Meneng mèpiya aw ipekità tadon te nemenal kidon ki Cristo pineokit te peg-inang tadon te mèpiya.

2 Korinto 2:10

Aw pegwedaden niyo se salà ininang din, siak heman megwedad kenyan. Aw pigwedad niyo den, pigwedad ko den heman amon kèpiyaan kaw, so mèpiya iyan diyà ki Cristo.

Ininang 11:23

Mèpiya otaw si Bernabe aw simalig diyà te Pengolo aw egbeyà-beyaan heman te Espiritu Santo. Pegdateng din doton te Antyokya, neluba sikandin so kinità din te ontò dan tinebangan te Timanem. Migtoladà sikandin kandan te eked pegdowa-dowa se aneng-aneng dan, aw lobosen dan se pedowan diyà te Pengolo. Pegdineg dan te kagi din, medita se otaw nemenal diyà te Pengolo.

Juan 5:14

Penga niyan te wedà kenamay, nengemahà si Jesus kandin kidoen te dakel simbahan te Judiyo. Pegkità din kandin, minikagi si Jesus, “Na, negolian ka den. Lengà ka den te peg-inang no te salà amon eked ka detengi te labi pa medaet.”

Genesis 22:12

Minikagi se anghil, “Ikà egmeno te batà nikaw. Ikà egpeeleg kandin. Netegahan ko den te ontò ka egtolò te Timanem, so pengkey batà no temisa, meneng yan se ibegay no diyà kanak.”

Mat. 9:5

Mola megpelingo-lingo se otaw megwedad te salà. Meneng eked pekebatog se otaw megpegolì te otaw kenà egpekeiwal singed aw doen tolos te Timanem diyà kandin.