Luc. 5:2 - Manobo Sarangani

² Doen dowa belangay kinità din kidoen te kilid te lanaw, meneng tinenanan iyan te otaw egpemokot, so migbollaw dan te pokot.

Luc. 5:2 ပူးပေါင်းရင်းမြစ်များ

Mar. 1:19

Penga niyan, dimeleg si Jesus te kenà mediyò, aw kinità din si Santiago aw adi din si Juan didowa dan batà i Sebedeo. Kidoen dan te belangay aw migtigmes dan te pokot.

Mat. 4:21

Dimeleg si Jesus, aw kinità din se doma telekedowa si Santiago aw adi din si Juan didowa batà i Sebedeo. Kidoen dan te belangay sipat amay dan, aw migtigmes dan te pokot. Tinawal dan heman i Jesus,

Mat. 4:18

Doen sebad aldaw, minipanaw si Jesus doton te kilid te lanaw te Galiliya. Kinità din se didowa memokotay si Simon iningedanan din ki Pedro, aw adi din si Andres nemokot.

Mar. 1:16

Nayan, minipanaw si Jesus doton te kilid te lanaw te Galiliya. Kinità din se didowa memokotay si Simon aw adi din si Andres nemokot.

Luc. 5:1

Nayan, doen aldaw timindeg si Jesus kidoen te kilid te lanaw iningedanan Genesarit. Migpesegsegay se kedita te otaw amon megpedapag dan diyà kandin, so ibeg dan domineg te kagi te Timanem itoladà din.

Luc. 5:3

Penga niyan, minalin si Jesus doton te belangay i Simon, aw nemoyò te ipelepaw din iyan kidoen te lanaw medapag te kilid. Penga niyan, nenenoo si Jesus kidoen te belangay aw migtoladà te menge otaw kidoen te tanà.

Juan 1:40

Si Andres se sebad diyà te didowa dan dimineg ki Juan aw timaking ki Jesus. Telekedowa dan si Andres aw si Simon, se doma ngadan din si Pedro.