Luc. 5:15 - Manobo Sarangani

¹⁵ Meneng labi pa medita se otaw dimineg te dengeg i Jesus, aw yan se doun te ontò medita se otaw dimoton kandin amon menenalan dan kandin aw amon kegolian dan.

Luc. 5:15 ပူးပေါင်းရင်းမြစ်များ

Luc. 12:1

Nayan, dalem te pegtoladà i Jesus, minelalan se otaw netipon diyà kandin igsà migpegìtay dan te benis. Onà minikagi si Jesus diyà te menge tinoledaan din, “Peg-ahà kaw amon eked kaw ketini te salà te menge Parisiyo, so eden dan aw egpenimanem dan.

Mar. 1:45

Meneng pegkesayo din, medita se otaw inindanan din tepad te ininang i Jesus kandin. Yan se doun te wedà pekeokit si Jesus te menge lonsod so pelaban medita se otaw metipon. Yan miglegeb sikandin doton te ogpeanan mediyò te lonsod, aw medita se otaw dimoton kandin lekat te kedita te ogpeanan.

Mat. 9:26

Nedengeg se peg-antay i Jesus kandin kidoen te kedepagan te ogpeanan sìyan.

Mar. 1:28

Wedà kenamay, ontò nedengeg si Jesus kidoen te kedita te ogpeanan medapag doton te probinsya te Galiliya.

Juan 6:2

Ontò medita se otaw timaking kandin, so kinità dan se kepelahan ininang din te pegpegolì din te menge otaw doen mesakit.

Luc. 14:25

Nayan, ontò medita se otaw timaking ki Jesus kidoen te dalan. Miniling sikandin aw minikagi diyà kandan,

Mar. 3:7

Nayan, nesayo si Jesus aw menge tinoledaan din lekat kidoen aw dimoton dan te kilid te lanaw. Medita se otaw timaking kandan lekat te probinsya te Galiliya. Doen heman menge otaw lekat te probinsya te Judiya,

1 Timoteo 5:25

Iling heman kenyan, doen menge otaw eg-inang te mèpiya sikil egketegahan te menge doma otaw. Meneng pengkey eked iyan tagmon ketegahi te doma otaw, eked iyan keeles te wedad temanan.

Mat. 9:31

Meneng pegkesayo dan, wedà dan tolò kandin, aw yan se doun te labi pa nedengeg si Jesus doton te kebelad te probinsya sìyan.