Luc. 5:10 - Manobo Sarangani

¹⁰ Nepela heman se kedomaan din kidoen te doma belangay si Santiago aw si Juan, didowa batà i Sebedeo. Minikagi si Jesus diyà ki Simon, “Ikà egkelemitan. Lekat seini, kenà ikan se meabat no, meneng otaw den se ibingen no diyà kanak.”

Luc. 5:10 ပူးပေါင်းရင်းမြစ်များ

Mat. 13:47

“Iling heman kani se peglowan te Timanem. Doen pokot indagdag doton te lanaw, aw medita se kemolò te ikan nekeawop.

Mat. 4:19

Timawal si Jesus, “Taking kaw kanak, so megtoladà a kenyo amon kenà ikan se meabat niyo, meneng otaw se ibingen niyo diyà kanak.”

Mar. 1:17

Timawal si Jesus, “Taking kaw kanak, so megtoladà a kenyo amon kenà ikan se meabat niyo, meneng otaw se ibingen niyo diyà kanak.”

Luc. 5:7

Penga niyan, kinapay dan se menge otaw kidoen te doma belangay amon megtelaban kandan. Pegdateng dan doton, miglolan dan te ikan lamig agpet den meteled se didowa belangay so nepenò te ikan.

2 Korinto 8:23

Na, si Tito, sikandin se doma ko megtoladà kenyo. Sìyan didowa otaw domoma kandin, yan se insogò te menge doma tadon nemenal ki Cristo. Iduyun tadon si Cristo pineokit te inang dan.

Ininang 2:4

Yan dimateng se Espiritu Santo kandan. Nekeikagi den dan te medita kemolò kagi te doma otaw wedà dan peg-ilingi, so impeikagi dan te Espiritu Santo.

Luc. 6:14

Sikandan si Simon iningedanan i Jesus ki Pedro, aw kedowa din si Andres, aw si Santiago, si Juan, si Felipe, si Bartolome,

Mat. 20:20

Penga niyan, dimoton se esawa i Sebedeo ki Jesus sipat didowa batà din si Santiago aw si Juan. Limongken sikandin diyà ki Jesus so doen pemoyoen din.

Mat. 14:27

Meneng pegketà timawal si Jesus, “Peseligi niyo se pedowan niyo, so siaken ini. Ikà niyo egkelemitan.”

Mat. 4:21

Dimeleg si Jesus, aw kinità din se doma telekedowa si Santiago aw adi din si Juan didowa batà i Sebedeo. Kidoen dan te belangay sipat amay dan, aw migtigmes dan te pokot. Tinawal dan heman i Jesus,

Luc. 5:9

Yan se inikagi din so ontò nepela si Pedro aw menge doma din, so ontò medita se ikan neabat dan.

Juan 21:2

Netipon kidoen se menge tinoledaan i Jesus. Se kedita dan si Simon, se doma ngadan din si Pedro, aw si Tomas, se doma ngadan din si Pingin, aw si Natanael tege Kana sakop te Galiliya, aw sìyan didowa batà i Sebedeo, aw dowa heman se doma tinoledaan i Jesus.

2 Timoteo 2:26

Yan mekelowà dan lekat te belad i Satanas, so sikandin se tapay migdakep kandan, aw kandin ibeg se egtoloen dan.