Luc. 5:1 - Manobo Sarangani

¹ Nayan, doen aldaw timindeg si Jesus kidoen te kilid te lanaw iningedanan Genesarit. Migpesegsegay se kedita te otaw amon megpedapag dan diyà kandin, so ibeg dan domineg te kagi te Timanem itoladà din.

Luc. 5:1 ပူးပေါင်းရင်းမြစ်များ

Mat. 11:12

Te wedà pa pegtoladà si Juan, gayed migtoladà se menge telekeliwat aw simolat heman si Moises te doen aldaw megtebò se Timanem lomowan. Pengkey lekat te pegtebò te pegtoladà i Juan lamig seini, ontò neibeg se menge otaw megpesakop diyà te peglowan te Timanem, aw medita den se otaw mebolot meibeg peden meg-agaw te peglowan din.

Mat. 14:34

Nayan, penga te pegbatas dan te lanaw, dimateng dan doton te Genesarit.

Mar. 3:9

Sagwa ontò medita se otaw netipon, migpunù sikandin te menge tinoledaan din te megpetagad dan te belangay sekayan din amon eked sikandin sigpiti te menge otaw.

Mar. 4:1

Nayan, doen aldaw migtoladà si Jesus doton te kilid te lanaw. Ontò medita se otaw netipon diyà kandin, aw yan se doun te minalin sikandin doton te belangay pinondohan medapag te kilid te lanaw. Nenenoo sikandin kidoen, meneng mig-ogpà se kedita te otaw tinoledaan din doton te kilid te lanaw kidoen te tanà.

Mar. 5:24

Penga niyan, timaking si Jesus kandin. Ontò medita se doma otaw timaking ki Jesus aw migpesegsegay dan kidoen te dalan.

Mar. 6:53

Nayan, penga te pegbatas dan te lanaw, dimateng dan doton te Genesarit, aw migpondo dan kidoen.

Luc. 12:1

Nayan, dalem te pegtoladà i Jesus, minelalan se otaw netipon diyà kandin igsà migpegìtay dan te benis. Onà minikagi si Jesus diyà te menge tinoledaan din, “Peg-ahà kaw amon eked kaw ketini te salà te menge Parisiyo, so eden dan aw egpenimanem dan.

Luc. 5:2

Doen dowa belangay kinità din kidoen te kilid te lanaw, meneng tinenanan iyan te otaw egpemokot, so migbollaw dan te pokot.

Luc. 8:22

Nayan, doen sebad aldaw minikagi si Jesus diyà te menge tinoledaan din, “Mèpiya aw matas kidon doton dipag te lanaw.” Penga niyan, simakay dan te belangay.

Luc. 8:23

Pegpesalo dan doton, neketedogi si Jesus. Wedà kenamay, dinetengan dan te kelamag ontò mebandes. Dakel se wayeg nekeawop te belangay, aw agpet dan neteled.

Luc. 8:33

Yan limowà se menge bosaw lekat te otaw aw minalin dan doton te osa. Penga niyan, kimagnan se kedita te osa pesalo te keba, aw kimahang dan doton te lanaw, aw nelemes dan.

Luc. 8:45

Penga niyan, mig-insà si Jesus, “Sinu lay se nemaed kanak?” Meneng wedad otaw mig-indan. Minikagi si Pedro, “Pengolo, ikà eg-insà aw sinu se nemaed kamno, so pigdenganan ka te medita otaw.”

Juan 1:40

Si Andres se sebad diyà te didowa dan dimineg ki Juan aw timaking ki Jesus. Telekedowa dan si Andres aw si Simon, se doma ngadan din si Pedro.

Juan 6:1

Penga niyan, dimoton si Jesus dipag te Lanaw te Galiliya, yan heman se iningedanan Lanaw te Tibiryas.

Menge Hebreo 13:7

Ikà niyo egkelibel te menge egpengibing te simbahan migtoladà kenyo te kagi te Timanem kedengan. Peg-aneng-aneng kaw tepad te mèpiya ininang dan te wedà dan pa kematay, aw peg-iling kaw te pegpemenal dan.