Luc. 4:6 - Manobo Sarangani

⁶ Minikagi si Satanas, “Inangen ta otaw lomowan diyà te kedita te otaw kidoen, aw begayan ta heman te kèpiya niyan, so siak se eg-awid te kedita niyan diyà te belad ko, aw mekebegay a kenyan diyà te pengkey sinu se pemellien ko.

Luc. 4:6 ပူးပေါင်းရင်းမြစ်များ

Luc. 4:7

Aw simbahen a no, ibegay ko kamno se kedakel niyan.”

Juan 12:31

Lekat seini, ipelumun te Timanem se kedita te poon din dini te keneyonan. Dàgen din heman se pengolo te medaet dini te keneyonan si Satanas.

Juan 14:30

Wedad den nael aldaw te pegtoladà ko kenyo, so agpet den domateng se pengolo te medaet dini te keneyonan, amon domaeg peden kanak. Eked a din dàgi,

Juan 8:44

Si Satanas se ontò amay niyo, aw se ibeg din medaet, yan heman se ibeg niyo inangen. Lekat te ketebò te keneyonan, egpengimatay sikandin. Wedad palos labut din te kebenalan, so wedad kebenalan diyà kandin. Aw megkebolalaw sikandin, yan se ketanem te pedowan din, so bolelawun sikandin, aw sikandin se eglekatan te kedita te kebolalaw.

2 Korinto 11:14

Meneng eked tadon kepelahi se eg-inangen dan, so iling dan ki Satanas egpelingo-lingo te sikandin se sebad anghil insogò te Timanem.

Efeso 2:2

Kedengan, gayed kaw egpekesalà. Mig-iling kaw te otaw eg-inang te salà dini te keneyonan. Timolò kaw ki Satanas, pengolo te kedita te bosaw. Sikandin se egbayà-bayà te kedita te otaw kenà egtolò te Timanem.

1 Pedro 1:24

Doen kagi te Timanem insolat, “Mebabà se omol te kedita te otaw. Iling dan olò te sagbet, aw iling olò te bolak te sagbet se otaw melangkaw, So egkematay se sagbet te eked kenamay, aw egkewedad se bolak niyan.

1 Juan 5:19

Netegahan tadon te sakop kidon te Timanem. Meneng se kedita te otaw egtaking te medaet dini te keneyonan, yan se menge sakop i Satanas.

Impekità 12:9

Yan indagdag se dakel nagan lekat te langit. Sikandin se migpelingo-lingo memokan gebii, aw iningedanan ki Satanas, aw biyasa sikandin eg-akal te kedita te otaw te keneyonan. Indagdag sikandin lekat te langit kidoen te tanà sipat kedita te anghil din.

Impekità 13:2

Iling te menenanap te kebenesan iningedanan liyopardo se menenanap mebolot kinità ko. Iling te benis te menenanap te kebenesan iningedanan oso se benis din. Iling te bahà te liyon se bahà din. Se tolos te nagan aw peglowan din aw pegpengibing din, yan se insalig din diyà te sìyan menenanap mebolot.

Impekità 13:7

Pinebeyaan heman te Timanem se peggira niyan diyà te menge sakop te Timanem kidoen te tanà, aw pegdaeg niyan kandan. Ininang heman iyan egpengolo te otaw lekat te kedita te ogpeanan.