Luc. 4:42 - Manobo Sarangani

⁴² Pegkeiselem niyan, nesayo si Jesus aw dimoton te wedad otaw eg-ogpà amon megtawal-tawal. Meneng nengemahà se medita otaw kandin. Pegkità dan kandin, ontò dan peden sikandin temengan.

Luc. 4:42 ပူးပေါင်းရင်းမြစ်များ

Luc. 6:12

Nayan, wedà kenamay, timikedeg si Jesus doton te bontod amon megtawal-tawal. Timayod sikandin te delem aw migtawal-tawal diyà te Timanem.

Juan 4:34

Minikagi si Jesus, “Iling te kànen ko se pegtoman ko te ibeg te simogò kanak aw peg-epos ko te sogò din kanak.

Juan 6:24

Penga niyan, pegketaga-taga dan te wedad kidoen si Jesus aw menge tinoledaan din, simakay dan heman minatas pesalo doton te Kapirnaom, amon mengemahà dan ki Jesus.

Juan 4:40

Yan pegdateng te menge tege Samarya doton ki Jesus, ontò dan nemoyò kandin te meg-ogpà kidoen kandan. Yan mig-ogpà si Jesus kidoen te dowa se delem.

Luc. 24:29

Meneng ontò dan sikandin tinemengan, kagi dan, “Idegà ka den dini kenami, so ontò den meapon aw agpet den delem.” Penga niyan, timaking si Jesus kandan.

Mar. 1:45

Meneng pegkesayo din, medita se otaw inindanan din tepad te ininang i Jesus kandin. Yan se doun te wedà pekeokit si Jesus te menge lonsod so pelaban medita se otaw metipon. Yan miglegeb sikandin doton te ogpeanan mediyò te lonsod, aw medita se otaw dimoton kandin lekat te kedita te ogpeanan.