Luc. 4:41 - Manobo Sarangani

⁴¹ Doen heman medita otaw dinetengan te bosaw inibing doton ki Jesus. Peglowà te bosaw, timawal dan, “Sikona se Batà te Timanem.” Meneng sinagda i Jesus te menge bosaw amon eked dan ikagi, so netegahan dan te sikandin se Misiyas insogò te Timanem.

Luc. 4:41 ပူးပေါင်းရင်းမြစ်များ

Mar. 1:34

Pinegolian din se medita otaw doen medita kemolò te mesakit, aw medita heman se bosaw impelowà din lekat te otaw. Meneng sinagda i Jesus se menge bosaw amon eked dan ikagi, so netegahan dan aw sinu sikandin.

Santiago 2:19

Aw mikagi kaw te nemenal kaw den te olò sebad se Timanem, mèpiya iyan, meneng eden niyo aw botong se pegpemenal niyo kenyan. Pengkey bosaw eleg heman nemenal kenyan, aw egtegengtangen dan tandà te lamit dan kandin, meneng kenà dan man egtaking te Timanem.

Juan 20:31

Meneng insolat ko ini amon memenal kaw den te si Jesus se Misiyas megpelowà kenitadon aw sikandin se Batà te Timanem. Aw memenal kaw kandin, begayan kaw te kaling pedowan wedad temanan.

Mar. 3:11

Dimoton heman kandin se menge otaw dinetengan te bosaw. Pegkità dan kandin, limongken dan diyà kandin aw timawal dan te dakel kagi, “Sikona se ontò Batà te Timanem.”

Mat. 4:3

Dimateng si Satanas aw minikagi sikandin, “Aw ontò ka Batà te Timanem, inangi pan se menge bato seini pineokit te tolos no amon doen kànen nikaw.”

Mat. 26:63

Meneng wedà taba si Jesus. Penga niyan, minikagi se ontò pengolo te simbahan, “Megpunù a den diyà kamno pineokit te ngadan te Timanem eked palos kematay te keilangan meg-indan ka den te kebenalan. Sikona ekon se Misiyas, sìyan Batà te Timanem. Indani kay den aw benal iyan.”

Mat. 8:29

Mig-olangag dan, kagi dan, “Batà te Timanem, ikà pa egpeeleg kenami, so wedà pa dateng se aldaw te pegpelumun no kenami.”

Mar. 1:25

Meneng migsagda si Jesus te bosaw, kagi din, “Kepenek ka den. Lowà ka den diyà kandin.”

Mat. 8:4

Minikagi si Jesus, “Keilangan wedad palos otaw indanan no tepad te ininang ko kamno. Meneng doton ka te pengolo te simbahan aw pekitai se lawa no diyà kandin. Penga niyan, begayi se ibowang no iling te impunù i Moises amon metaga-taga se kedita te otaw te negolian ka den.”

Mat. 8:16

Pegsallep te aldaw, inibing dan doton ki Jesus se medita otaw dinetengan te bosaw, aw impelowà din se bosaw lekat kandan pineokit te kagi din. Pinegolian din heman se kedita te otaw doen mesakit.

Mar. 1:32

Pegsallep te aldaw sìyan, inibing dan doton ki Jesus se kedita te otaw doen mesakit aw otaw dinetengan te bosaw.

Luc. 4:39

Penga niyan, dimoton si Jesus kandin, aw migpetunung te keinit te lawa din. Pegketà migkèpiya sikandin, aw minenaw amon meg-inang te kànen i Jesus aw menge doma din.