Luc. 4:40 - Manobo Sarangani

⁴⁰ Pegsallep te aldaw, inibing dan doton ki Jesus se kedita te doma dan doen medita kemolò te mesakit. Pinemàdan din se kedita dan aw negolian dan.

Luc. 4:40 ပူးပေါင်းရင်းမြစ်များ

Mat. 11:5

Doen menge bota kimità den. Doen heman kapig minipanaw den. Doen tompigun negolian den. Doen bingelen dimineg den. Doen heman nematay neantay den. Doen menge otaw sagkep tinoledaan te Mèpiya Indan.

Mat. 14:13

Nayan, pegdineg i Jesus tepad te pegpengimatay ki Juan, nesayo sikandin lekat kidoen. Simakay sikandin te belangay aw dimoton te kesikmihan. Meneng pegketaga-taga te kedita te otaw te pineselowan i Jesus, dimoton dan heman. Minipanaw dan lekat te menge ogpeanan dan.

Mar. 3:10

Medita se otaw pinegolian din, aw yan medita se otaw doen mesakit migpeegaway se migpedapag diyà kandin amon memaed dan kandin aw kegolian dan.

Mar. 5:23

aw nemoyò, kagi din, “Ontò netigdaan se deitek batà ko bayi. Peg-ayas ka bag, aw pemàdi sikandin amon kegolian aw eked kematay.”

Mar. 6:5

Nepela si Jesus so wedà dan pemenal kandin, aw yan se doun te pilabok se kepelahan ininang din kidoen. Pilabok olò se otaw pinemàdan din aw negolian. Nayan, miglegeb si Jesus doton te kedita te lonsod, aw migtoladà kidoen.

Ininang 19:12

so pengkey kelobaw aw penenaktun din ipeg-ated dan doton te otaw doen mesakit, amon kegolian se otaw sìyan doen mesakit, aw amon mekelowà se bosaw lekat te doma otaw.

Ininang 5:15

So doen kepelahan ininang te menge sogounun i Cristo, inibing te doma se otaw doen mesakit doton te lowà te menge balay. Insawol dan se kama aw ikam te otaw doen mesakit doton dapag te dalan amon keelongan dan i Pedro so ibeg dan kegolian.