Luc. 4:36 - Manobo Sarangani

³⁶ Nepela se kedita te otaw, aw migpebelaw-belaway dan, “Tay law. Sebad se ipegtoladà din. Ontò sikandin metolos, so aw megpelowà sikandin te menge bosaw, egtolò dan kandin.”

Luc. 4:36 ပူးပေါင်းရင်းမြစ်များ

Luc. 4:32

Ontò nepela se kedita te otaw dimineg te intoladà din, so tinekingan si Jesus te tolos.

1 Pedro 3:22

Dimoton sikandin diatas te langit. Minonsad den sikandin kidoen te tangkil te Timanem aw eglowan heman doma din. Impelowan sikandin diyà te kedita doton te langit, pengkey kedita te anghil aw menge doma metolos.

Mar. 7:37

Ontò dan nepela, aw minikagi dan, “Ontò mèpiya se kedita te ininang din, so pengkey bingelen impedineg din, aw omo impeikagi din.”

Mar. 1:27

Nepela se kedita te otaw, aw migpebelaw-belaway dan, kagi dan, “Tay law. Sebad se ipegtoladà din. Metolos sikandin, so aw megpelowà sikandin te menge bosaw, egtolò dan kandin.”

Mat. 9:33

Penga te pegpelowà i Jesus te bosaw lekat te otaw sìyan, nekeikagi den sikandin. Ontò nepela se kedita te otaw kimità kandin, aw minikagi dan, “Wedad palos kinità tadon iling kenyan dini kenitadon menge bowad-bowad i Israel.”

Luc. 2:18

Nepela se kedita te otaw dimineg te in-indan te menge telediyaga.