Luc. 4:35 - Manobo Sarangani

³⁵ Meneng migsagda si Jesus te bosaw, kagi din, “Kepenek ka. Lowà ka den lekat kandin.” Penga niyan, imbontog te bosaw se otaw sìyan aw limowà lekat kandin, meneng wedà elegi se otaw.

Luc. 4:35 ပူးပေါင်းရင်းမြစ်များ

Mat. 17:18

Penga niyan, sinagda i Jesus se bosaw aw impelowà din iyan lekat te batà. Pegketà, negolian sikandin.

Mat. 8:26

Minikagi si Jesus, “Wedà pa kedì kelobos se pegsalig niyo kanak. Ikà niyo egkelemitan.” Penga niyan, timindeg si Jesus aw sinagda din se kelamag aw balud, aw migkelinaw se lanaw.

Mar. 1:26

Impekeseg te bosaw se otaw aw timawal te dakel se kagi din, aw penga niyan limowà diyà kandin.

Mar. 4:39

Neloka si Jesus aw sinagda din se kelamag. Minikagi sikandin diyà te balud, “Pegkelinaw ka.” Penga niyan, timunung se kelamag aw migkelinaw se lanaw.

Mar. 9:26

Penga niyan, migpuypuy se bosaw, aw ontò din impekeseg se batà, aw penga niyan limowà. Iling te wedad pedowan te batà, aw minikagi se keditaan te otaw, “Nematay den sikandin.”

Luc. 11:22

Meneng aw domateng se otaw labi pa magsen diyà kandin, yan se domaeg te tig-apò te balay aw meg-agaw te kedita te kekamang sineligan din, aw iteped heman se kedònan din diyà te menge doma otaw.

Luc. 4:23

Minikagi heman si Jesus, “Meibeg kaw besi megpeaneng-aneng kanak te eg-ikegiyen tadon, ‘Aw doktor ka, keilangan ipetaga-taga no iyan pineokit te pegbolong no te kamno pegkeotawun.’ Dinineg niyo den te doen menge kepelahan ininang ko doton te Kapirnaom, aw mikagi kaw besi heman diyà kanak te keilangan inangen ko heman se menge kepelahan dini te kanak probinsya.

Luc. 4:39

Penga niyan, dimoton si Jesus kandin, aw migpetunung te keinit te lawa din. Pegketà migkèpiya sikandin, aw minenaw amon meg-inang te kànen i Jesus aw menge doma din.

Luc. 4:41

Doen heman medita otaw dinetengan te bosaw inibing doton ki Jesus. Peglowà te bosaw, timawal dan, “Sikona se Batà te Timanem.” Meneng sinagda i Jesus te menge bosaw amon eked dan ikagi, so netegahan dan te sikandin se Misiyas insogò te Timanem.

Luc. 8:24

Penga niyan, linoka dan si Jesus, kagi dan, “Pengolo, melemes kidon den.” Neloka si Jesus aw sinagda din se kelamag aw dakel balud. Timunung se kelamag aw migkelinaw se lanaw.

Luc. 9:39

Melikit sikandin egdetengan te bosaw, aw egpuypuy. Egpemekeseg iyan kandin, aw egbohak se bahà din. Ontò melima se pegpelowà te bosaw lekat kandin, so eked kesayo singed aw onà din peelegen se batà.

Luc. 9:42

Pegpesalo te batà doton ki Jesus, binadas sikandin te bosaw aw impekeseg din. Meneng sinagda i Jesus se bosaw aw impelowà din iyan lekat te batà. In-olì din se batà sìyan negolian diyà te amay din.

Impekità 12:12

Yan keilangan meluba kaw tege langit aw kedita niyo eg-ogpà kidoen te langit. Meneng mekelelayò kaw tege tanà aw tege dagat, so dimateng den si Satanas kenyo. Ontò sikandin neopal, so netegahan din te detengan sikandin te pelumun te eked kenamay.”