Luc. 4:34 - Manobo Sarangani

³⁴ “Tay, Jesus tege Nasarit. Ikà egsamok kenami. Eked kay keibeg aw pegbàtan kay nikaw. Netegahan ko aw sinu ka. Sikona se metòlid otaw insogò te Timanem.”

Luc. 4:34 ပူးပေါင်းရင်းမြစ်များ

Santiago 2:19

Aw mikagi kaw te nemenal kaw den te olò sebad se Timanem, mèpiya iyan, meneng eden niyo aw botong se pegpemenal niyo kenyan. Pengkey bosaw eleg heman nemenal kenyan, aw egtegengtangen dan tandà te lamit dan kandin, meneng kenà dan man egtaking te Timanem.

Mar. 1:24

Timawal sikandin, “Tay, Jesus tege Nasarit. Ikà eg-inabut kenami. Ikà egbaet kenami. Netegahan ko aw sinu ka. Sikona se metòlid otaw insogò te Timanem.”

Mat. 8:29

Mig-olangag dan, kagi dan, “Batà te Timanem, ikà pa egpeeleg kenami, so wedà pa dateng se aldaw te pegpelumun no kenami.”

Ininang 3:14

Pengkey wedad palos salà din, meneng wedà kaw keibeg kandin. Nemoyò kaw te ipelowà i Pilato se otaw metibonò.

Impekità 3:7

Minikagi heman sikandin, “Solat ka heman te anghil egtonggò te menge sakop te simbahan kidoen te Filadelfya. Seini se kagi isolat nikaw. ‘Seini se kagi ko kenyo. Siak se eg-inang te metòlid, aw egkeseligan a. Siak se lomowan iling te peglowan i David gebii. Aw owangen ko se okitanan amon mekeakop se otaw diyà te peglowan ko, wedad meketakep. Aw tekepen ko se okitan niyan, wedad mekeowang.

Luc. 4:41

Doen heman medita otaw dinetengan te bosaw inibing doton ki Jesus. Peglowà te bosaw, timawal dan, “Sikona se Batà te Timanem.” Meneng sinagda i Jesus te menge bosaw amon eked dan ikagi, so netegahan dan te sikandin se Misiyas insogò te Timanem.

Luc. 1:35

Timaba se anghil, “Domateng se Espiritu Santo kamno, aw ketebangan ka te tolos te Timanem. Yan se doun te menimanem se batà tomebaw kamno, aw sikandin se Batà te Timanem.

Impekità 20:2

Dinakep din se nagan, yan se memokan gebii, si Satanas. Yan se ginapos din lamig mepenga se sebad melalan se omay.

1 Juan 3:8

Meneng sakop i Satanas se otaw gayed megpedeleg te peg-inang te salà, so gayed migpedeleg si Satanas te peg-inang te salà lekat te gebii te wedà pa inangi se keneyonan lamig songkani. Yan migpekeotaw se Batà te Timanem si Jesus amon pegbàtan din se kedita te medaet inang i Satanas.

Menge Hebreo 2:14

Sikitadon doen lawa egkematay se menge batà te Timanem sìyan. Yan migpekeotaw heman si Jesus amon matay sikandin, so pineokit te pegkematay din, dinaeg din den se eglekatan te kemetayun si Satanas.

Ininang 16:39

Yan dimoton dan te keleboso amon ipelowà dan. Migpeido-ido dan ki Pablo aw si Silas, aw pigbalaw-balaw dan te mesayo dan lekat te Filipos.

Ininang 4:27

Netoman den iyan, so dini te Jerusalem, migsebad se pedowan i Herod, aw si Poncio Pilato, aw menge bowad-bowad i Israel, aw menge doma otaw kenà Judiyo, amon imetayan dan se insogò no si Jesus, pengkey wedad kandin salà. Sikandin se ininang no Misiyas.

Ininang 2:27

so eked a din pebeyai doton te lebeng. Eked kepakay diyà kandin aw meledak se lawa ko, so pinemallì a din.

Luc. 8:37

Penga niyan, nemoyò se kedita te tege Gerasa te mesayo si Jesus lekat kidoen, so ontò dan nelemitan. Penga niyan, simakay si Jesus te belangay amon molì doton dipag.

Luc. 8:28

Pegkità din ki Jesus, mig-olangag sikandin, aw limongken diyà ki Jesus, aw minikagi te dakel se kagi din, “Jesus, Batà te Timanem ontò melangkaw, ikà egsamok kanak. Memoyò a den diyà kamno, ikà bag egpeeleg kanak.”

Mar. 5:7

Migpunù si Jesus diyà te bosaw, kagi din, “Lowà ka den diyà kandin.” Minikagi se otaw te dakel kagi din, “Jesus, Batà te Timanem ontò melangkaw, ikà egsamok kanak. So Timanem se egtengteng kenita, memoyò a diyà kamno, ikà bag egpeeleg kanak.”

Mar. 1:34

Pinegolian din se medita otaw doen medita kemolò te mesakit, aw medita heman se bosaw impelowà din lekat te otaw. Meneng sinagda i Jesus se menge bosaw amon eked dan ikagi, so netegahan dan aw sinu sikandin.

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Luc. 4:33

Kidoen te simbahan te Judiyo, doen otaw dinetengan te bosaw. Timawal sikandin aw dakel se kagi din,