Luc. 4:23 - Manobo Sarangani

²³ Minikagi heman si Jesus, “Meibeg kaw besi megpeaneng-aneng kanak te eg-ikegiyen tadon, ‘Aw doktor ka, keilangan ipetaga-taga no iyan pineokit te pegbolong no te kamno pegkeotawun.’ Dinineg niyo den te doen menge kepelahan ininang ko doton te Kapirnaom, aw mikagi kaw besi heman diyà kanak te keilangan inangen ko heman se menge kepelahan dini te kanak probinsya.

Luc. 4:23 ပူးပေါင်းရင်းမြစ်များ

Mat. 13:54

aw minolì doton te kandin lonsod. Migtoladà sikandin doton te simbahan te Judiyo. Ontò nepela se menge otaw kidoen, aw minikagi dan, “Sebad den ini, so ontò sikandin biyasa, aw mèpiya heman se kepelahan eg-inangen din.

Mat. 4:13

Minokit sikandin doton te lonsod te Nasarit aw dimeleg doton te lonsod te Kapirnaom aw mig-ogpà kidoen dapag te kilid te lanaw digsel te tanà te Sabulon aw Neftali.

Mat. 4:23

Nayan, timeped si Jesus te kedita te lonsod doton te probinsya te Galiliya, aw migtoladà doton te menge simbahan te Judiyo. Migtoladà sikandin te Mèpiya Indan tepad te peglowan te Timanem, aw pinegolian din se kedita te otaw doen mesakit.

Mar. 6:1

Nayan, nesayo si Jesus aw minolì doton te kandin lonsod. Timaking heman se menge tinoledaan din.

Luc. 2:39

Nayan, pegtoman i Jose aw si Maria te kedita te punù te Pengolo ingkeliwat i Moises tepad te batà kaling timebaw, minolì dan doton te lonsod te Nasarit kidoen te probinsya te Galiliya.

Luc. 2:51

Penga niyan, timaking si Jesus kandan aw minolì doton te Nasarit, aw timolò te amay aw inay din. Si Maria, insawol din se kedita niyan diyà te pedowan din aw mig-aneng-aneng kenyan.

Luc. 4:16

Penga niyan, minolì si Jesus doton te Nasarit. Yan se lonsod tinillesan din. Pegkesebado, dimoton sikandin te simbahan te Judiyo, so yan se ketanem din. Timindeg sikandin amon megbasa te kagi te Timanem.

Luc. 4:31

Nayan, dimoton si Jesus te lonsod te Kapirnaom sakop te probinsya te Galiliya. Pegkesebado, migtoladà sikandin.

Luc. 4:35

Meneng migsagda si Jesus te bosaw, kagi din, “Kepenek ka. Lowà ka den lekat kandin.” Penga niyan, imbontog te bosaw se otaw sìyan aw limowà lekat kandin, meneng wedà elegi se otaw.

Luc. 6:42

Aw eked niyo kitai se batang kidoen te kenyo mata, eked kaw peketabang te doma niyo amon meabat se sagbet lekat te kandin mata. Kolang se aneng-aneng niyo te wedad salà niyo. Ebati niyo onà se batang lekat te kenyo mata, aw penga niyan metaen se pegkità niyo amon mengabat kaw heman te sagbet lekat te mata te doma niyo.”

Juan 4:28

Penga niyan, tinenanan te bayi se sibolan din, aw ayas minolì doton te lonsod. Pegdateng din doton, minikagi sikandin diyà te menge otaw,

2 Korinto 5:16

Kedengan, iling te aneng-aneng te menge doma otaw se aneng-aneng ko, so medita se otaw nebensihan ko, aw yan se doun te nebensihan ko si Cristo. Meneng songkani netodà den se aneng-aneng ko tepad kandin aw tepad te kedita te otaw.