Luc. 4:22 - Manobo Sarangani

²² Mig-aneng-aneng se kedita te otaw te mèpiya se kagi din, aw nepela dan kenyan so eden dan aw olò sikandin batà i Jose.

Luc. 4:22 ပူးပေါင်းရင်းမြစ်များ

Luc. 2:47

Nepela se kedita te otaw dimineg te inikagi din, so ontò biyasa, aw mèpiya heman se intaba din.

Luc. 2:48

Pegkità te amay aw inay din kandin, ontò dan nepela. Minikagi se inay din, “Atò, eked kepakay se ininang no diyà kenami, so ontò kay netetana, aw nengemahà kay kamno.”

Luc. 21:15

so dalem te aldaw sìyan, ibegay ko kenyo se kebiyasa amon meketaba kaw kandan. Yan se doun te wedad poon niyo mekedaeg te kenyo kagi.

Luc. 4:21

Nayan, migtebò si Jesus migtoladà, kagi din, “Seini aldaw, netoman den se kagi te Timanem dinineg niyo.”

Juan 1:45

Penga niyan, nengemahà si Felipe ki Natanael aw minikagi, “Kinità day se otaw impakang i Moises aw menge doma telekeliwat te kagi te Timanem te pegsolat dan gebii. Yan se tege Nasarit si Jesus, batà i Jose.”

Juan 6:42

Migpebelaw-belaway dan, kagi dan, “Meneng sikandin si Jesus, aw si Jose olò se amay din. Netegahan tadon aw sinu se amay aw inay din. Yan nengà lay minikagi sikandin te insogò sikandin lekat te langit?”

Juan 7:46

Timaba se menge teletonggò, kagi dan, “So wedad palos otaw migtoladà te kebenalan iling te pegtoladà din.”

Ininang 6:10

Meneng wedà dan pekedaeg kandin, so biyasa pa sikandin mikagi kandan aw tinebangan te Espiritu Santo.

Tito 2:8

Keilangan ontò benal se ikegiyen nikaw, sìyan eked silahi. Aw yan se inangen nikaw, meyàyà se menge poon no so wedad palos medaet ikegiyen dan tepad kenitadon.