Luc. 4:17 - Manobo Sarangani

¹⁷ Imbegay dan diyà kandin se libro insolat te telekeliwat te kagi te Timanem gebii si Isaias. Migbeka sikandin kenyan aw migbasa te kagi seini,

Luc. 4:17 ပူးပေါင်းရင်းမြစ်များ

Ininang 13:15

Migbasa se egpengibing te simbahan te kagi te Timanem insolat i Moises aw menge doma telekeliwat te kagi te Timanem. Penga niyan, nemoyò se egpengibing te simbahan diyà ki Pablo aw si Bernabe, kagi dan, “Menge kedowa day, aw doen itoladà niyo diyà te kedita day netipon, mepakay aw megtoladà kaw den.”

Ininang 7:42

Yan timinàyog se Timanem kandan. Pinebeyaan din se pegsimba dan te bolan, aw bitoen, aw aldaw. Gebii, simolat se sebad telekeliwat te kagi te Timanem, kagi din, ‘Menge bowad-bowad i Israel, peglikò-likò niyo doton te kebigtilan taman te kepatan se omay, kenà ko se binegayan niyo te ayam-ayam indogsò niyo.

Ininang 13:27

Meneng se menge otaw doton te Jerusalem aw otaw limowan kandan, wedà dan ketaga-taga te sikandin se Egpelowà. Pengkey binasa dan se kagi insolat te menge telekeliwat te kagi te Timanem doton te simbahan dan te kelikit te simana, meneng wedà dan iyan kelebeti. Mig-okom dan kandin, aw yan netoman se inikagi te telekeliwat te kagi te Timanem.

Luc. 20:42

meneng minikagi si David te Pengolo din se Misiyas, so simolat si David kidoen te libro te Delangan, ‘Minikagi se Timanem diyà te Pengolo ko, Penenoo ka dini te tangkil ko

Luc. 4:16

Penga niyan, minolì si Jesus doton te Nasarit. Yan se lonsod tinillesan din. Pegkesebado, dimoton sikandin te simbahan te Judiyo, so yan se ketanem din. Timindeg sikandin amon megbasa te kagi te Timanem.

Luc. 4:18

“Dini kanak se Espiritu Santo, so pinemallì a din amon megtoladà a te Mèpiya Indan diyà te menge otaw sagkep. Insogò a din amon mikagi a diyà te menge otaw kineleboso te ipelowà den dan te Timanem. Insogò a heman amon mikagi a diyà te menge otaw bota te komità den dan. Insogò a din amon megpelowà a te kedita te otaw nelimahan,

Luc. 4:20

Penga te pegbasa din kenyan, linolon din se libro aw in-olì din diyà te egpengibing te simbahan. Penga niyan, nenenoo si Jesus amon megtoladà. Penga niyan, netingen se kedita te otaw aw timengteng dan diyà kandin.

Luc. 16:29

Meneng minikagi si Abraham, ‘Gayed doen punù ingkeliwat i Moises aw menge telekeliwat te kagi te Timanem egbesahen dan. Mèpiya aw menenalan dan kenyan.’