Luc. 4:13 - Manobo Sarangani

¹³ Nayan, pegketaga-taga i Satanas te eked keboyo si Jesus aw wedad den doma iboyo din kandin, nesayo sikandin aw migtagad te doma aldaw.

Luc. 4:13 ပူးပေါင်းရင်းမြစ်များ

Mat. 4:11

Penga niyan, nesayo si Satanas, aw doen menge anghil insogò te Timanem amon meg-ipat dan ki Jesus.

Luc. 4:12

Meneng timaba si Jesus, “Eked a, so doen kagi te Timanem insolat, ‘Ikà niyo egtandà te Timanem.’”

Luc. 4:14

Ontò egbeyà-beyaan te Espiritu Santo si Jesus. Dimoton sikandin te probinsya te Galiliya, aw dimineg se kedita te otaw kidoen te dengeg din.

Juan 14:30

Wedad den nael aldaw te pegtoladà ko kenyo, so agpet den domateng se pengolo te medaet dini te keneyonan, amon domaeg peden kanak. Eked a din dàgi,

Menge Hebreo 4:15

Netaga-taga se Telekagon tadon te kelomayan tadon aw ontò egkeido kenitadon, so pengkey eden kemoloi se ipegboyo i Satanas kenitadon, yan heman se tineyodan din, meneng wedà sikandin peg-inang te salà.

Santiago 4:7

Yan mèpiya aw megpesakop kidon diyà te Timanem amon doen tabang din kenitadon. Aw etowan niyo si Satanas, komadas sikandin lekat kenyo.