Luc. 4:1 - Manobo Sarangani

¹ Egbeyà-beyaan si Jesus te Espiritu Santo. Pegkesayo din lekat te wayeg te Jordan, inibing sikandin te Espiritu Santo doton te kebigtilan.

Luc. 4:1 ပူးပေါင်းရင်းမြစ်များ

Mat. 3:16

Penga te pegbonyag din kandin, minanggin si Jesus lekat te wayeg. Pegketà, neowang se langit, aw kinità din se Espiritu Santo migpedanà diyà kandin iling te selepati, aw mig-ogpà diyà kandin.

Luc. 2:27

Inibing te Espiritu Santo si Simeon doton te dakel simbahan kidoen te Jerusalem. Aldaw sìyan, inibing heman si Jesus te amay aw inay din doton te dakel simbahan amon tomolò dan te punù ingkeliwat i Moises tepad te deitek batà.

Luc. 3:3

Yan se doun te miglegeb sikandin kidoen te kedepagan te wayeg te Jordan. Migtoladà sikandin te kedita te otaw te keilangan megselsel dan te salà aw bonyagan dan amon ipetaga-taga dan te pigwedad den te Timanem se salà dan.

Luc. 3:38

Si Cainan se batà i Enos. Si Enos se batà i Set. Si Set se batà i Adam. Si Adam se batà te Timanem.

Luc. 4:14

Ontò egbeyà-beyaan te Espiritu Santo si Jesus. Dimoton sikandin te probinsya te Galiliya, aw dimineg se kedita te otaw kidoen te dengeg din.

Luc. 4:18

“Dini kanak se Espiritu Santo, so pinemallì a din amon megtoladà a te Mèpiya Indan diyà te menge otaw sagkep. Insogò a din amon mikagi a diyà te menge otaw kineleboso te ipelowà den dan te Timanem. Insogò a heman amon mikagi a diyà te menge otaw bota te komità den dan. Insogò a din amon megpelowà a te kedita te otaw nelimahan,

Juan 1:32

Minikagi heman si Juan, “Kinità ko se Espiritu Santo migpedanà diyà kandin lekat te langit iling te selepati, aw mig-ogpà kidoen kandin.

Juan 3:34

Eg-ikagi se insogò te Timanem te kagi lekat te Timanem, so tigkan imbegay te Timanem se Espiritu Santo diyà kandin.

Ininang 1:2

taman te pegkeengat din doton te langit. Pegkeantay din lekat te nematay, melikit si Jesus migpekità diyà te menge sogounun tapay pinemallì din. Migtoladà heman kandan tepad te peglowan te Timanem. Dalem te kepatan se aldaw, melikit sikandin migpekità diyà kandan. Yan ontò dan netegahan te neantay sikandin lekat te nematay, so kinità dan sikandin. Te wedà pa keengat doton te langit, migpunù si Jesus kandan pineokit te Espiritu Santo.

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Ininang 8:39

Peg-anggin dan lekat te wayeg, inabat te Espiritu Santo si Felipe. Wedà den kitai te tege Etyopya si Felipe, meneng dimeleg aw neluba se pedowan din.