Luc. 3:3 - Manobo Sarangani

³ Yan se doun te miglegeb sikandin kidoen te kedepagan te wayeg te Jordan. Migtoladà sikandin te kedita te otaw te keilangan megselsel dan te salà aw bonyagan dan amon ipetaga-taga dan te pigwedad den te Timanem se salà dan.

Luc. 3:3 ပူးပေါင်းရင်းမြစ်များ

Luc. 1:77

so sikona se megpetaga-taga diyà te menge Judiyo te ipelowà din se menge sakop din lekat te pelumun aw pegwedaden din se salà tadon.

Ininang 22:16

Nayan, ayas ka. Enaw ka aw bonyagan ka. Pegtawal-tawal ka diyà te Pengolo amon mekelowà ka lekat te salà nikaw.’

Ininang 19:4

Minikagi si Pablo, “Binonyagan i Juan se otaw migselsel te salà dan. Meneng migtoladà heman sikandin te keilangan memenal se menge Judiyo diyà te sebad otaw somelilin kandin, aw yan si Jesus.”

Ininang 13:24

Te wedà pa pegtoladà si Jesus, migtoladà si Juan diyà te menge bowad-bowad i Israel te keilangan megselsel dan te salà amon bonyagan din dan.

Juan 3:26

Dimoton dan ki Juan aw minikagi, “Sir, se doma no kedengan doton dipag te Jordan, sìyan in-indan no, yan se egpemonyag den ekon heman, aw medita den se otaw limengà te pegtaking dan kamno aw timaking den dan diyà kandin.”

Mat. 3:11

Egpemonyag a pineokit te wayeg, so yan se pengilala te migselsel kaw den te salà ininang niyo. Meneng doen pa domateng labi pa melangkaw diyà kanak. Kenà botong se kelangkaw ko amon megtelaban a kandin pengkey mengibing a te sepatos din, so ontò sikandin melangkaw diyà kanak. Sikandin se memonyag kenyo pineokit te Espiritu Santo aw pineokit te apoy.

Juan 1:28

Neinang se kedita niyan kidoen te lonsod te Bitanya doton dipag te wayeg te Jordan egbonyagan i Juan.

Luc. 1:16

Megtabang sikandin te medita bowad-bowad i Israel amon todà dan tomaking te Pengolo dan Timanem.

Luc. 4:1

Egbeyà-beyaan si Jesus te Espiritu Santo. Pegkesayo din lekat te wayeg te Jordan, inibing sikandin te Espiritu Santo doton te kebigtilan.