Luc. 3:22 - Manobo Sarangani

²² aw kinità dan se Espiritu Santo migpedanà diyà kandin iling te bawa te selepati. Dinineg dan heman se kagi te Timanem lekat te langit, “Sikona se Batà ko. Dakel se pedowan ko kamno, aw ontò a neluba kamno.”

Luc. 3:22 ပူးပေါင်းရင်းမြစ်များ

Mat. 12:18

“Seini se pinemallì ko isogò doton kenyo, sìyan nedekelan ko te pedowan aw nelubahan ko. Ibegay ko se Espiritu Santo meg-ogpà diyà kandin. Megpetaga-taga sikandin te kedita te otaw pengkey kenà Judiyo te agpet a den meg-okom.

Mat. 17:5

Telobo pa minikagi si Pedro, doen labon melowa dimateng diyà kandan aw wedà dan ebey kità kandan. Penga niyan, dinineg dan se kagi te Timanem lekat te labon, “Seini se Batà ko. Dakel se pedowan ko kandin, aw ontò a neluba kandin. Keilangan sikandin se penenelanen niyo.”

Mat. 27:43

Timanem ekon se egseligan din. Kitaen tadon den aw dakel se pedowan te Timanem kandin pineokit te pegtabang te Timanem kandin te aldaw seini, so minikagi sikandin, ‘Siaken se Batà te Timanem.’”

Mat. 3:13

Nayan, dimateng si Jesus lekat te probinsya te Galiliya aw dimoton te wayeg te Jordan amon megpebonyag ki Juan.

Mat. 3:16

Penga te pegbonyag din kandin, minanggin si Jesus lekat te wayeg. Pegketà, neowang se langit, aw kinità din se Espiritu Santo migpedanà diyà kandin iling te selepati, aw mig-ogpà diyà kandin.

Mat. 3:17

Penga niyan, dinineg dan se kagi te Timanem lekat te langit, “Seini se Batà ko. Dakel se pedowan ko kandin, aw ontò a neluba kandin.”

Mar. 1:11

Penga niyan, dinineg dan se kagi te Timanem lekat te langit, “Sikona se Batà ko. Dakel se pedowan ko kamno, aw ontò a neluba kamno.”

Mar. 1:9

Nayan, wedà kenamay, dimateng si Jesus lekat te lonsod te Nasarit sakop te probinsya te Galiliya, aw migpebonyag sikandin ki Juan kidoen te wayeg te Jordan.

Mar. 9:7

Penga niyan, doen labon dimateng diyà kandan, aw wedà dan ebey kità kandan. Penga niyan, dinineg dan se kagi te Timanem lekat te labon, “Seini se Batà ko aw ontò dakel se pedowan ko kandin. Keilangan sikandin se penenelanen niyo.”

Luc. 2:14

“Iduyun tadon den se Timanem doton diatas te langit. Begayan din te kelinaw te pedowan se otaw egkelubahan din dini te tanà.”

Luc. 4:21

Nayan, migtebò si Jesus migtoladà, kagi din, “Seini aldaw, netoman den se kagi te Timanem dinineg niyo.”

Juan 1:32

Minikagi heman si Juan, “Kinità ko se Espiritu Santo migpedanà diyà kandin lekat te langit iling te selepati, aw mig-ogpà kidoen kandin.

Juan 12:28

Penga niyan, migtawal-tawal si Jesus, “Amà, pekitai diyà te menge otaw dini te ontò ka melangkaw.” Peg-ikagi din kenyan, dinineg dan se kagi te Timanem lekat te langit, kagi din, “Tapay ko den iyan impekità, aw todà ko heman ipekità.”

Juan 5:37

Sikandin se mig-indan te benal tepad kanak, meneng wedà kaw keibeg menenalan te kagi din kenyo. Wedà kaw heman keibeg komità kandin.

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Kolasas 1:13

Impelowà kidon den te Timanem lekat te peglowan i Satanas, aw inalin kidon din doton te peglowan te Batà din si Jesu Cristo ontò din nedekelan te pedowan,

1 Pedro 2:4

Keilangan beyà-beyaan kaw i Cristo egpemegay te kaling pedowan wedad temanan. Iling sikandin te bato gemiten te peg-inang te balay. Pengkey mig-aneng-aneng se menge otaw te wedad keelagà din, meneng sikandin se pinemallì te Timanem aw meelagà diyà kandin.