Luc. 3:2 - Manobo Sarangani

² Si Anas aw si Caifas se ontò pengolo te dakel simbahan te Jerusalem. Dalem te peg-ogpà i Juan batà i Zacarias kidoen te kebigtilan, insogò sikandin te Timanem megtoladà te kagi din.

Luc. 3:2 ပူးပေါင်းရင်းမြစ်များ

Ininang 4:6

Netipon se ontò pengolo te simbahan si Anas, aw si Caifas, aw si Juan, aw si Alejandro, aw menge doma gaked i Anas eleg netipon kidoen.

Juan 18:24

Penga niyan, todà ginapos se belad i Jesus, aw impeibing sikandin i Anas doton te ontò pengolo te simbahan si Caifas.

Luc. 1:80

Timilles si Juan aw ontò sikandin egkeseligan. Pegkedakel din, mig-ogpà sikandin kidoen te kebigtilan lamig te aldaw te pegpekità din diyà te menge bowad-bowad i Israel.

Juan 1:23

Timaba si Juan, “Siak se otaw impakang te telekeliwat te kagi te Timanem gebii si Isaias, ‘Doen otaw kidoen te kebigtilan megpunù te keilangan meketagad se kedita te otaw, so agpet den domateng se Pengolo.’”

Mat. 26:3

Dalem niyan, netipon se menge pengolo te simbahan aw menge obanen te Judiyo doton te balay te ontò pengolo dan si Caifas.

Mat. 11:7

Pegkesayo te otaw insogò i Juan, minikagi si Jesus tepad ki Juan diyà te otaw netipon, kagi din, “Pegdoton niyo te kebigtilan, kenà tigbaw egkedogen te kelamag se pinengemahà niyo.

Mar. 1:2

Gebii doen insolat te telekeliwat te kagi te Timanem si Isaias, “Na, doen otaw isogò ko megpetaga-taga te agpet ka den domateng, amon megpeketagad se kedita te otaw te pegdateng nikaw.