Luc. 24:51 - Manobo Sarangani

⁵¹ Dalem pa te pegtawal-tawal din, timanan sikandin kandan aw neengat doton te langit.

Luc. 24:51 ပူးပေါင်းရင်းမြစ်များ

Mar. 16:19

Nayan, penga te peg-ikagi i Jesus diyà kandan, neengat sikandin doton te langit, aw nenenoo kidoen te tangkil te Timanem amon lomowan doma din.

Luc. 24:50

Penga niyan, timaking dan ki Jesus, aw nesayo dan lekat te Jerusalem, aw dimoton dan dapag te Bitanya. Pegdateng dan doton, timakyaw si Jesus te belad din, aw migtawal-tawal sikandin te tebangan dan te Timanem.

Luc. 24:52

Penga niyan, migsimba dan kandin, aw minolì dan doton te Jerusalem, aw ontò neluba se pedowan dan.

Juan 20:17

Minikagi si Jesus, “Ikà eg-awid kanak, so wedà a pa pegpeengat doton te Amay ko. Meneng doton ka te menge kedowa ko, aw peg-indan ka kandan te molì a pa doton te Amay ko, doton te Timanem ko. Sikandin se Amay niyo heman aw Timanem niyo.”

Ininang 1:9

Penga niyan te telobo dan pa timengteng ki Jesus, neengat sikandin doton te langit. Neselibengan sikandin te labon.

Menge Hebreo 1:3

Pineokit heman kandin, ipegpekità se kelangkaw te Timanem, aw sikandin se egkitaan tadon te ketanem te Timanem. Sikandin se egbayà-bayà te kedita te neinang dini te keneyonan pineokit te kagi din metolos. Pegkepenga din te miglinis kenitadon lekat te salà, minolì sikandin doton te langit, aw minonsad sikandin kidoen te tangkil te Timanem Melangkaw amon lomowan doma din.

Menge Hebreo 4:14

Nayan, keilangan lobosen tadon se pegsalig tadon diyà ki Jesus pinemenalan tadon. Doen melangkaw Telekagon tadon dimoton den diatas te langit eg-ogpaan te Timanem, aw yan se Batà te Timanem si Jesus.