Luc. 24:5 - Manobo Sarangani

⁵ Timikelong se menge bayi, so ontò dan nelemitan. Minikagi se menge anghil, “Ikà niyo egpengemahà te otaw neantay lekat te nematay dini te lebenganan.

Luc. 24:5 ပူးပေါင်းရင်းမြစ်များ

Luc. 1:29

Meneng pegdineg i Maria te inikagi te anghil, ontò sikandin migkebulung. Mig-aneng-aneng sikandin aw eden se kedegdagan niyan.

Luc. 24:4

Migkebulung dan aw eden se neinang. Penga niyan, kinità dan se didowa anghil kidoen, aw ontò mepotì se penenaktun dan.

Luc. 24:6

Wedad sikandin dini, so neantay den lekat te nematay. Eneng-enengi niyo se inikagi din diyà kenyo kedengan dalem te pegtoladà din kidoen te Galiliya.

Ininang 2:24

meneng inantay sikandin te Timanem lekat te nematay. Impelowà din si Jesus diyà te kemetayun, so eked daeg se kemetayun kandin.

Menge Hebreo 7:8

Nayan, se menge telekagon te Judiyo egbegayan te ikesempolò ketengà, olò dan otaw egkematay. Meneng labi pa melangkaw si Melkisedec se binegayan i Abraham te ikesempolò ketengà. So wedad indan tepad te pegkematay din, iling te wedad temanan te pegkagon din.

Impekità 1:18

Siak se doen pedowan wedad temanan. Inimetayan a, aw eked a den todà palos kematay. Siaken olò se mekebatog meg-antay te otaw lekat te nematay. Aw matay se otaw, siak olò se mekesogò aw kenan dan peogpai.

Impekità 2:8

Minikagi heman sikandin, “Solat ka heman te anghil egtonggò te menge sakop te simbahan kidoen te Ismirna. Seini se kagi isolat nikaw. ‘Seini se kagi ko kenyo. Siak se keteboan te kedita, aw siak heman se temanan te kedita. Nematay a, aw neantay a heman lekat te nematay.