Luc. 24:46 - Manobo Sarangani

⁴⁶ Minikagi heman sikandin, “Seini se kagi te Timanem tapay insolat, te keilangan imetayan se Misiyas, aw meantay sikandin lekat te nematay te iketelo te aldaw, aw netoman den iyan.

Luc. 24:46 ပူးပေါင်းရင်းမြစ်များ

Luc. 24:44

Penga niyan, minikagi si Jesus, “Pegdoma ko kenyo kedengan te wedà a pa kematay, seini se inikagi ko diyà kenyo, te keilangan metoman se kedita te kagi insolat tepad kanak kidoen te punù ingkeliwat i Moises, aw insolat te menge telekeliwat te kagi te Timanem, aw kidoen heman te libro te Delangan.”

Luc. 24:7

Inikegiyan kaw din te keilangan ibegay sikandin Timanem Migpekeotaw diyà te belad te menge otaw nelegeb te salà amon imetayan dan sikandin ilansang diyà te kros, aw penga niyan, meantay sikandin lekat te nematay te iketelo te aldaw.”

Ininang 17:3

Miglebad-lebad heman sikandin te kagi te Timanem insolat amon ontò dan kelebetan te keilangan pemilangen aw imetayan se Misiyas isogò te Timanem, aw penga niyan meantay heman lekat te nematay. Minikagi sikandin, “Si Jesus se Misiyas insogò te Timanem, sìyan intoladà ko kenyo.”

1 Pedro 1:3

Iduyun se Timanem, Amay te Pengolo tadon si Jesu Cristo. Ontò kidon neidowan te Timanem, aw binegayan kidon din te kaling pedowan. Yan doen egpelimanan tadon tandà te pegkeantay i Jesu Cristo lekat te nematay.

Ininang 4:12

Wedad doma mekepelowà kenitadon lekat te salà. Pengkey dini te kebelad te keneyonan, wedad doma insogò te Timanem dini te keneyonan amon megpelowà te otaw lekat te salà.”

Mat. 26:24

Metoman a imetayan, so yan se insolat gebii tepad kanak Timanem Migpekeotaw. Meneng mekelelayò se otaw megtolok kanak. Mèpiya peden aw wedà sikandin tebaw.”

Juan 20:9

so lamig te aldaw sìyan, wedà pa kelebeti te menge tinoledaan se pakang tapay insolat diyà te kagi te Timanem, te keilangan meantay si Jesus lekat te nematay.