Luc. 24:44 - Manobo Sarangani

⁴⁴ Penga niyan, minikagi si Jesus, “Pegdoma ko kenyo kedengan te wedà a pa kematay, seini se inikagi ko diyà kenyo, te keilangan metoman se kedita te kagi insolat tepad kanak kidoen te punù ingkeliwat i Moises, aw insolat te menge telekeliwat te kagi te Timanem, aw kidoen heman te libro te Delangan.”

Luc. 24:44 ပူးပေါင်းရင်းမြစ်များ

Genesis 14:18

Penga niyan, sinongon heman si Abram te selotan te Salem si Melkisedec. Sikandin heman se telekagon te Timanem Melangkaw. Inibing din se pan aw bino doton ki Abram.

Genesis 22:18

Tebangan ko se kedita te otaw te keneyonan pineokit te bowad-bowad nikaw. Yan se inangen ko, so timolò ka te impunù ko kamno.”

Genesis 3:15

Inangen ko sikiyo megpepoonay, sikona aw bayi, kamno sakop aw kandin bowad-bowad. Bonalan te bowad-bowad din se olo nikaw, aw bengaen no se palo din.”

Genesis 49:10

Si Juda se mengawid te bangkà te selotan, so gayed lomowan se menge bowad-bowad din lamig domateng se ontò selotan, sìyan toloen te kedita te otaw.

Mat. 1:22

Neinang iyan amon metoman se tapay inikagi te telekeliwat te kagi te Timanem gebii, kagi din,

Mat. 16:21

Lekat niyan, mig-indan si Jesus diyà te menge tinoledaan din aw eden se metoman domateng diyà kandin. Keilangan domoton sikandin te Jerusalem, aw ipeeleg sikandin te menge obanen aw pengolo te simbahan aw menenoladà te punù ingkeliwat i Moises. Metoman sikandin imetayan, aw penga niyan meantay lekat te nematay te iketelo aldaw.

Mat. 26:54

Meneng simpana tebangan a dan, eked den ketoman se kagi te Timanem insolat gebii te metoman a detengan te kelimahan.”

Mat. 26:56

Meneng neinang se kedita nini amon metoman se insolat te menge telekeliwat te kagi te Timanem gebii tepad kanak.” Penga niyan, kimadas se kedita te tinoledaan i Jesus, aw tinenanan dan sikandin.

Mar. 9:31

amon eked keanggà se pegtoladà din te menge tinoledaan din. Minikagi sikandin, “Seini se metoman domateng diyà kanak Timanem Migpekeotaw. Metoman a itolok aw ibegay a diyà te belad te doma otaw. Penga niyan, imetayan a dan, meneng penga te telo se aldaw, meantay a lekat te nematay.”

Luc. 21:22

Metoman ipelumun te Timanem se otaw medaet, aw tomanen din se kedita te pakang din insolat.

Luc. 22:37

Metoman den se kagi te Timanem insolat tepad kanak, ‘Ipelumun sikandin iling te otaw dakel se salà.’ Agpet a den imetayan, so yan se insolat tepad kanak.”

Luc. 24:46

Minikagi heman sikandin, “Seini se kagi te Timanem tapay insolat, te keilangan imetayan se Misiyas, aw meantay sikandin lekat te nematay te iketelo te aldaw, aw netoman den iyan.

Luc. 9:22

Minikagi heman si Jesus, “Pengkey Timanem a Migpekeotaw, meneng metoman a ontò elegen, aw kuluwan a te menge obanen te Judiyo aw menge pengolo te simbahan aw menge menenoladà te punù. Imetayan a, meneng penga niyan te iketelo te aldaw, meantay a lekat te nematay.”

Luc. 9:44

“Keilangan ontò kaw menenalan te kagi ko kenyo seini. Seini se metoman domateng diyà kanak Timanem Migpekeotaw. Metoman a itolok aw ibegay a diyà te belad te doma otaw.”

Juan 3:14

“Gebii te pegkegelà te menge Judiyo lekat te pegtongkà te menge memokan kidoen te kebigtilan, ininang i Moises se memokan lekat te galang, aw insawol din iyan kidoen te kayo intollok amon eked kematay se otaw tomengteng kenyan. Iling heman kenyan, siak Timanem Migpekeotaw se isawol kidoen te kayo itollok.

Juan 5:39

Gayed kaw egbasa te kagi te Timanem tapay insolat, so aneng-aneng niyo, kebegayan kaw te kaling pedowan wedad temanan pineokit te pegbasa niyo kenyan. Eg-indan se kagi te Timanem te benal tepad kanak,

Juan 5:46

Simpana ontò kaw nemenal te kagi i Moises, nemenal kaw heman kanak, so simolat si Moises tepad kanak.

Ininang 13:33

meneng netoman den iyan dini kenitadon, so insogò din den si Jesus. Yan se kedegdagan te kagi te Timanem insolat diyà te Delangan Ikedowa, ‘Sikona se Batà ko, aw ipetaga-taga ko den te siaken se Amay nikaw.’

Ininang 13:40

“Peg-ahà kaw amon eked kaw pelumuni iling te menge otaw in-indan te telekeliwat te kagi te Timanem,

Ininang 2:27

so eked a din pebeyai doton te lebeng. Eked kepakay diyà kandin aw meledak se lawa ko, so pinemallì a din.

Ininang 3:18

Yan netoman se kagi te Timanem ingkeliwat te kedita te telekeliwat din gebii, te pemilangen aw imetayan se Misiyas isogò din.

Ininang 7:37

Si Moises se mig-indan diyà te menge bowad-bowad i Israel te doen kwani sebad kedomaan dan inangen te Timanem telekeliwat te kagi din iling te pegsogò din ki Moises.

Menge Hebreo 10:1

Nayan, se menge punù ingkeliwat i Moises, yan olò se pengilala te doen pa domateng labi pa mèpiya kenyan. Se kedita te mèpiya dimateng den kenitadon pineokit te ininang i Cristo, yan se neketepad aw nekeselilin te menge punù ingkeliwat i Moises. Se menge otaw timaking te menge punù ingkeliwat i Moises, keilangan gayed dan imetayan se ayam-ayam ibegay diyà te Timanem te kelikit te omay. Pengkey yan se egtekingan dan, eked peg-aneng-aneng se Timanem te metòlid dan.

Menge Hebreo 3:5

Olò sineligan te Timanem si Moises. Insalig te Timanem kandin se pegpengibing te kedita te menge doma din Judiyo. Pineokit te pegtoman i Moises te sogò te Timanem kandin, netegahan tadon te metoman se ipetaga-taga te Timanem te modi aldaw.

Menge Hebreo 7:1

Si Melkisedec se selotan doton te lonsod te Salem, aw sikandin se telekagon te menge otaw egsimba te Timanem ontò melangkaw. Peg-olì i Abraham lekat te pegdaeg din te menge selotan migpoon kandin, simongon si Melkisedec kandin aw migtawal-tawal sikandin tepad ki Abraham amon begayan sikandin te Timanem te mèpiya.

Menge Hebreo 9:8

Pineokit kenyan, impetaga-taga te Espiritu Santo kenitadon te kedengan dalem te doen pa punù tepad te balay sìyan, eked kepakay aw mawop se pengkey sinu otawi te Ontò Tambì amon megpedapag diyà te Timanem.

1 Pedro 1:11

Gebii, ingkeliwat dan se kagi te Timanem te doen kelimahan domateng diyà ki Cristo, aw penga niyan ipelangkaw sikandin, so impeikagi dan te Espiritu Santo. Migpekeaseb dan amon metaga-taga dan peden aw kano iyan ketoman aw menonen se pegketoman niyan.

Impekità 19:10

Penga niyan, limongken a diyà kandin amon simbahen ko, meneng minikagi sikandin, “Ikà egsimba kanak, so pengkey siak, aw sikona, aw kedita heman te doma no nemenal te kebenalan intoladà i Jesus, tomalag egtolò te Timanem. Yan keilangan Timanem olò se simbahen nikaw.” Yan se inikagi din, so se intoladà i Jesus, yan heman se kebenalan intoladà te menge telekeliwat te kagi te Timanem.