Luc. 24:39 - Manobo Sarangani

³⁹ Tengtengi niyo se menge palì diyà te belad ko aw benis ko. Ontò siak. Pemaed kaw kanak amon ontò kaw metaga-taga te kenà a olò along. Wedad lawa te along, meneng seini kitaen niyo den te doen lawa ko.”

Luc. 24:39 ပူးပေါင်းရင်းမြစ်များ

Juan 20:27

Penga niyan, minikagi sikandin diyà ki Tomas, “Soli se intetodò no dini. Tengtengi se belad ko. Ilami heman se kilid ko. Ikà egdowa-dowa, meneng pemenal ka kanak.”

1 Juan 1:1

Gebii te wedà pa inangi se keneyonan, tapay den doen si Cristo iningedanan Kagi te Timanem. Sikandin se egpemegay te kaling pedowan wedad temanan. Pegpekeotaw din dini te tanà, dinineg day se kagi din, aw ontò day heman sikandin kinità, aw pinemàdan day heman sikandin.

Juan 20:20

Penga niyan, impekità din diyà kandan se menge palì diyà te belad din aw kilid din. Ontò neluba se menge tinoledaan din te pegkità dan te Pengolo.

1 Tesalonika 5:23

Ibeg day, ontò kaw linisan te Timanem egpemegay te kelinaw te pedowan. Ibeg day tonggoan din heman se pedowan niyo, aw aneng-aneng niyo, aw lawa niyo, amon wedad palos isila kenyo te peglikò te Pengolo tadon si Jesu Cristo.

Menge Hebreo 12:9

Egsagman kidon te menge amay tadon dini lanto te tanà pengkey migpelumun dan kenitadon. Yan keilangan labi kidon pa tomolò te Amay tadon doton diatas te langit, so aw tomolò kidon kandin, begayan kidon din te kaling pedowan wedad temanan.

Juan 20:25

Yan minikagi se doma tinoledaan diyà ki Tomas, “Migpekità se Pengolo kenami.” Meneng minikagi si Tomas, “Eked a pemenal te neantay sikandin lekat te nematay singed aw onà ko kitaen se palì te lansang diyà te belad din, aw isawol ko se intetodò ko diyà te awang niyan, aw ilamen ko heman se kilid din.”

Luc. 23:46

Penga niyan, timawal si Jesus te dakel se kagi din, “Amà, isalig ko den se pedowan ko diyà kamno.” Penga te peg-ikagi din kenyan, nematay sikandin.

Luc. 24:38

Minikagi si Jesus, “Ikà niyo egkebulung. Ikà niyo heman egdowa-dowa.

Luc. 24:40

Penga niyan, impekità din kandan se belad din aw benis din.