Luc. 24:30 - Manobo Sarangani

³⁰ Peg-iyambong dan, inabat din se pan, aw migpesiontong sikandin diyà te Timanem, aw binelà-belà din, aw imbegay din diyà kandan.

Luc. 24:30 ပူးပေါင်းရင်းမြစ်များ

Mat. 14:19

Penga niyan, impeonsad din se kedita te otaw kidoen te sagbet. Inabat din se lima pan aw didowa ikan. Limengag sikandin doton te langit aw migpesiontong diyà te Timanem kenyan. Penga niyan, binelà-belà din se pan aw imbegay din diyà te menge tinoledaan din, aw imbegay dan iyan diyà te menge otaw netipon.

Mat. 15:36

Inabat din se pito pan aw ikan, aw migpesiontong diyà te Timanem kenyan. Binelà-belà din iyan, aw imbegay din diyà te menge tinoledaan din, aw inteped dan diyà te menge otaw netipon.

Mat. 26:26

Nayan, telobo dan pa kimaen, nengabat si Jesus te pan, aw migpesiontong sikandin diyà te Timanem, aw binelà-belà din se pan, aw inteped din diyà kandan, aw minikagi, “Kàni niyo se pan seini, so yan se lawa ko.”

Mar. 14:22

Nayan, dalem te pegpengaen dan, nengabat si Jesus te pan, aw migpesiontong sikandin diyà te Timanem. Penga niyan, binelà-belà din se pan, aw inteped din iyan diyà kandan, aw minikagi sikandin, “Kàni niyo se pan seini, so yan se lawa ko.”

Mar. 6:41

Penga niyan, inabat i Jesus se lima pan aw didowa ikan. Limengag sikandin doton te langit aw migpesiontong diyà te Timanem kenyan. Penga niyan, binelà-belà din se pan aw imbegay din diyà te menge tinoledaan din amon iteped dan diyà te menge otaw netipon. Impeteped din heman se didowa ikan diyà te kedita te otaw.

Mar. 8:6

Penga niyan, impeonsad din se kedita te otaw diyà te tanà. Inabat din se pito pan, aw migpesiontong diyà te Timanem kenyan. Binelà-belà din iyan, aw imbegay din diyà te menge tinoledaan din, aw inteped dan diyà te menge otaw netipon.

Luc. 22:19

Nengabat heman sikandin te pan. Penga te pegpesiontong din, binelà-belà din iyan, aw inteped din diyà kandan, aw minikagi, “Se pan seini, yan se lawa ko [imetayan amon mekelowà kaw. Inangi niyo iling kani amon gayed a niyo keeneng-enengan.”

Luc. 24:29

Meneng ontò dan sikandin tinemengan, kagi dan, “Idegà ka den dini kenami, so ontò den meapon aw agpet den delem.” Penga niyan, timaking si Jesus kandan.

Luc. 24:35

Penga niyan, mig-indan se didowa dan kaling dimateng tepad te neinang kandan kidoen te dalan, aw pegkilala dan kandin te pegbelà-belà din te pan.

Luc. 9:16

Penga niyan, inabat i Jesus se lima pan aw didowa ikan. Limengag sikandin doton te langit aw migpesiontong diyà te Timanem kenyan. Penga niyan, binelà-belà din iyan aw imbegay din diyà te menge tinoledaan din amon iteped dan diyà te menge otaw netipon.

Juan 6:11

Inabat i Jesus se lima pan, aw migpesiontong kenyan diyà te Timanem, aw impeteped din iyan diyà te menge otaw minonsad. Onawa heman se ininang din diyà te ikan lamig nebesog se kedita dan.

Ininang 2:42

Ebey dan nenenalan te intoladà te menge sogounun i Cristo. Egpetekingay se otaw egpemenal, aw egtipon dan amon megtawal-tawal diyà te Timanem, aw amon megbelà-belà te pan, iling te pegtoladà i Jesus kandan kedengan.

Ininang 2:46

Kelikit te aldaw, netipon se kedita dan doton te dakel simbahan te Jerusalem, aw migbelà-belà dan te pan doton te kandan balay. Neluba se pedowan dan te pegsebad dan pegpengaen.

Ininang 27:35

Penga niyan, inabat i Pablo se pan, aw migpesiontong diyà te Timanem, aw pigbelà-belà din se pan, aw kimaen.