Luc. 24:25 - Manobo Sarangani

²⁵ Penga niyan, minikagi si Jesus, “Tay law. Nepela a kenyo, so wedà kaw pa pemenal te kedita te inikagi te menge telekeliwat te kagi te Timanem gebii.

Luc. 24:25 ပူးပေါင်းရင်းမြစ်များ

Mat. 26:24

Metoman a imetayan, so yan se insolat gebii tepad kanak Timanem Migpekeotaw. Meneng mekelelayò se otaw megtolok kanak. Mèpiya peden aw wedà sikandin tebaw.”

Mar. 16:14

Penga niyan, migpekità si Jesus diyà te sempolò tegusà tinoledaan din dalem te pegpengaen dan. Simila sikandin kandan so wedà dan pemenal aw magsen se olo dan, so wedà dan pemenal te kagi te menge otaw kimità kandin penga te pegkeantay din lekat te nematay.

Mar. 7:18

Minikagi si Jesus, “Nepela a so iling kaw heman te doma otaw wedà pekelabet. Pengkey eden se kànen iawop diyà te bahà te otaw, kenà egpekesalà se otaw pineokit kenyan.

Mar. 9:19

Minikagi si Jesus, “Tay law, sikiyo menge otaw. Wedà kaw pa salig kanak. Eked den kenamay se pegdoma ko kenyo, meneng keilangan tomayod a pa pengkey eked kaw pemenal. Na, pedinihi se batà nikaw.”

Luc. 24:24

Doen menge doma day dimoton heman te lebeng din, aw kinità dan te benal se in-indan te menge bayi. Meneng wedà dan kitai si Jesus.”

Juan 5:39

Gayed kaw egbasa te kagi te Timanem tapay insolat, so aneng-aneng niyo, kebegayan kaw te kaling pedowan wedad temanan pineokit te pegbasa niyo kenyan. Eg-indan se kagi te Timanem te benal tepad kanak,

1 Korinto 15:3

Se intoladà te Timanem kanak, yan se ingkeliwat ko heman diyà kenyo. Seini se kebenalan ontò melangkaw te kedita. Nematay si Cristo amon megpelowà kenitadon lekat te salà, aw yan netoman se kagi te Timanem tapay insolat gebii.