Luc. 24:20 - Manobo Sarangani

²⁰ Meneng se menge pengolo te simbahan aw menge obanen te Judiyo, impedakep dan sikandin te gobirno, aw penga niyan inimetayan dan sikandin inlansang diyà te kros.

Luc. 24:20 ပူးပေါင်းရင်းမြစ်များ

Mat. 23:33

Iling kaw te memokan so biyasa kaw eg-inang te medaet. Eked kaw palos pekelowà lekat te pelumun te Timanem, so metoman kaw din ipeibing doton te kilot.

Mat. 27:20

Dalem niyan, gayed migdeliseg se menge pengolo te simbahan aw menge obanen te Judiyo diyà te otaw netipon kidoen amon memoyò dan ki Pilato te ipelowà din si Barabas aw imetayan si Jesus.

Mar. 15:1

Nayan, peglibtak te aldaw sìyan, netipon se kedita te pengolo te simbahan, aw menge obanen te Judiyo, aw menge menenoladà te punù ingkeliwat i Moises. Netipon se kedita dan amon meglalang dan aw eden se inangen dan. Penga niyan, ginapos dan si Jesus, aw inibing dan sikandin doton te gobirnador si Pilato.

Luc. 22:66

Nayan, peglibtak te aldaw sìyan, netipon se kedita te obanen te Judiyo, aw menge pengolo te simbahan, aw menenoladà te punù ingkeliwat i Moises. Impeangay dan si Jesus, aw minikagi dan,

Luc. 23:13

Nayan, migtipon si Pilato te kedita te pengolo te simbahan, aw menge obanen te Judiyo aw otaw netipon kidoen.

Ininang 2:23

Pengkey tapay netegahan te Timanem aw eden se inangen niyo ki Jesus, meneng lekat te ibeg te Timanem se pegdakep niyo ki Jesus. Impelansang niyo sikandin te medaet otaw diyà te kros aw impeimatay niyo,

1 Tesalonika 2:15

Nengimatay se menge Judiyo te menge telekeliwat te kagi te Timanem gebii. Nengimatay heman se menge Judiyo te Pengolo tadon si Jesu Cristo, aw nemilang dan heman kenami. Kenà egkeibeg se Timanem te eg-inangen dan. Iling te egpoon dan te kedita te otaw,