Luc. 23:8 - Manobo Sarangani

⁸ Pegkità i Herod ki Jesus, ontò neluba, so tapay den sikandin dimineg tepad ki Jesus, aw nenamay den te ibeg din komità kandin aw menge kepelahan inangen i Jesus.

Luc. 23:8 ပူးပေါင်းရင်းမြစ်များ

Mar. 6:14

Nayan, dimineg se selotan si Herod tepad te ininang i Jesus aw menge tinoledaan din, so ontò nedengeg si Jesus. Doen menge otaw eg-ikagi, “Sikandin besi si Juan Memonyagay neantay den lekat te nematay, aw yan se doun te eg-inangen din se kepelahan metolos.”

Mat. 14:1

Nayan, si Herod se otaw limowan doton te Galiliya, aw doen dinineg din tepad te eg-inangen i Jesus.

Ininang 8:19

aw minikagi, “Begayi a heman te tolos sìyan amon kebegayan te Espiritu Santo se kedita te otaw pemàdan ko.”

Luc. 4:23

Minikagi heman si Jesus, “Meibeg kaw besi megpeaneng-aneng kanak te eg-ikegiyen tadon, ‘Aw doktor ka, keilangan ipetaga-taga no iyan pineokit te pegbolong no te kamno pegkeotawun.’ Dinineg niyo den te doen menge kepelahan ininang ko doton te Kapirnaom, aw mikagi kaw besi heman diyà kanak te keilangan inangen ko heman se menge kepelahan dini te kanak probinsya.

Mar. 8:34

Penga niyan, tinawal i Jesus se menge tinoledaan din sipat kedita te doma otaw netipon kidoen. Minikagi sikandin, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.