Luc. 23:7 - Manobo Sarangani

⁷ Pegketaga-taga din te lekat si Jesus te probinsya nesekopan i Herod, impeibing din doton kandin, so kidoen heman si Herod te Jerusalem te aldaw sìyan.

Luc. 23:7 ပူးပေါင်းရင်းမြစ်များ

Luc. 3:1

Nayan, pegkenamay, dimateng se ikesempolò teg lima se omay te peglowan i Tiberio kidoen te Roma. Si Poncio Pilato se gobirnador kidoen te Judiya. Limowan si Herod kidoen te Galiliya, aw kedowa din si Felipe se limowan kidoen te Itorya aw Trakoniti. Limowan si Lisanias kidoen te Abilina.

Luc. 13:31

Nayan, doen menge Parisiyo dimoton ki Jesus, aw minikagi dan diyà kandin, “Kesayo ka den lekat dini, so ibeg ekon i Herod imetayan ka.”

Mat. 14:1

Nayan, si Herod se otaw limowan doton te Galiliya, aw doen dinineg din tepad te eg-inangen i Jesus.

Mat. 14:3

Yan se inikagi din, so kedengan impedakep din si Juan, aw impegapos din, aw impekeleboso din. Yan se ininang din diyà ki Juan amon meluba se nayi din si Herodias inagaw din diyà te kedowa din si Felipe.

Mat. 14:6

Peg-inang i Herod te pista tepad te aldaw te pegtebaw din, simayaw se laga batà i Herodias amon meluba se menge otaw timanod. Ontò heman neluba si Herod,

Mar. 6:14

Nayan, dimineg se selotan si Herod tepad te ininang i Jesus aw menge tinoledaan din, so ontò nedengeg si Jesus. Doen menge otaw eg-ikagi, “Sikandin besi si Juan Memonyagay neantay den lekat te nematay, aw yan se doun te eg-inangen din se kepelahan metolos.”

Luc. 9:7

Nayan, si Herod se otaw limowan kidoen te Galiliya. Pegdineg din tepad te ininang i Jesus aw intoladà din, migkebulung sikandin, so doen menge otaw eg-ikagi te yan si Juan Memonyagay neantay den lekat te nematay.

Luc. 23:6

Pegdineg i Pilato kenyan, mig-insà kandan aw si Jesus se sakop te probinsya te Galiliya.

Ininang 4:27

Netoman den iyan, so dini te Jerusalem, migsebad se pedowan i Herod, aw si Poncio Pilato, aw menge bowad-bowad i Israel, aw menge doma otaw kenà Judiyo, amon imetayan dan se insogò no si Jesus, pengkey wedad kandin salà. Sikandin se ininang no Misiyas.