Luc. 23:49 - Manobo Sarangani

⁴⁹ Meneng se kedita te sigalak i Jesus aw menge bayi timaking kandin lekat te Galiliya, timindeg dan te kenà mediyò te kros, aw kinità dan se ininang kandin.

Luc. 23:49 ပူးပေါင်းရင်းမြစ်များ

Luc. 8:2

Timaking heman kandin se menge bayi tapay pinegolian din aw pinelowaan din te bosaw. Sikandan si Maria tege Magdala pinelowaan te pito se bosaw,

Luc. 23:55

Peglebeng i Jose ki Jesus, timelokon heman se menge bayi timaking ki Jesus lekat te Galiliya. Kinità dan heman se lebeng aw pegsawol te lawa din kidoen.

Luc. 23:27

Ontò medita se otaw timaking ki Jesus, aw medita heman se bayi ontò migkelag tandà te lano dan kandin.

Mar. 15:47

Timaking heman si Maria tege Magdala aw kesangay din si Maria inay i Jose, aw kinità dan se linebengan te lawa.

Mat. 27:61

Kinità iyan i Maria tege Magdala aw kesangay din, so nenenoo dan dapag te lebeng.