Luc. 23:41 - Manobo Sarangani

⁴¹ Keilangan ipelumun ki den, so yan se detengan te medaet ininang ta. Meneng wedad palos medaet ininang te doma ta seini.”

Luc. 23:41 ပူးပေါင်းရင်းမြစ်များ

1 Pedro 1:19

Meneng impelowà kaw din so nematay se meelagà Batà din si Cristo. Iling sikandin te karniro ontò mèpiya aw wedad kolang eg-imetayan aw ipegpemegay diyà te Timanem.

Mat. 27:24

Nayan, netegahan den i Pilato te eked sikandin penalo diyà kandan, aw agpet den dan megsamok. Yan se doun te inabat din se wayeg aw mig-onaw te belad din dalem te pegtengteng dan diyà kandin. Minikagi sikandin, “Pineokit te peg-onaw ko te belad, impetaga-taga ko den kenyo te wedad labut ko aw imetayan niyo se otaw seini. Meneng aw yan se inangen niyo diyà kandin, inday den kenyo.”

Mat. 27:4

aw minikagi sikandin diyà kandan, “Doen salà ininang ko, so migtolok a te otaw wedad palos salà din aw imetayan den sikandin.” Meneng minikagi dan, “Wedad labut day te salà nikaw. Inday den kamno.”

Santiago 4:7

Yan mèpiya aw megpesakop kidon diyà te Timanem amon doen tabang din kenitadon. Aw etowan niyo si Satanas, komadas sikandin lekat kenyo.

Mat. 27:54

Na, se menge sondalo aw kapitan migtonggò ki Jesus, nelemitan dan te pegkayong te linog, aw pegkekità dan te kepelahan neinang te pegkematay i Jesus. Minikagi dan heman, “Ontò Batà te Timanem se otaw sìyan.”

Mat. 27:19

Dalem te pegpenenoo i Pilato doton te oseyanan, doen otaw insogò te esawa din amon ikeliwat se kagi din, “Ikà eg-inabut te otaw sìyan, so wedad salà din. Ontò nelemitan se pedowan ko tepad kandin pineokit te tegeinep tidelem.”

Luc. 23:40

Meneng migsagda se sebad, kagi din, “Ikà egtompuyus te Timanem. Keilangan megselsel ka diyà te Timanem, so onawa se pelumun dimateng den diyà kenitadon.

Luc. 23:42

Penga niyan, minikagi sikandin diyà ki Jesus, “Keidowi a bag aw lomowan ka.”

1 Tesalonika 2:10

Netegahan niyo aw netegahan heman te Timanem te wedad palos mekesila te ininang day diyà kenyo egpemenal, so timolò kay te ibeg te Timanem aw metòlid se ininang day.

1 Pedro 2:23

Pegtompuyus dan kandin, wedad medaet intaba din. Pegpengimatay dan kandin, wedà sikandin peglamit kandan. Olò sikandin simalig diyà te Timanem eg-okom te metòlid.