Luc. 23:27 - Manobo Sarangani

²⁷ Ontò medita se otaw timaking ki Jesus, aw medita heman se bayi ontò migkelag tandà te lano dan kandin.

Luc. 23:27 ပူးပေါင်းရင်းမြစ်များ

Luc. 8:52

Pengkey migkelag aw migmatay se kedita te doma otaw, meneng minikagi si Jesus, “Ikà egkelag, so wedà kematay se batà. Olò sikandin timedogi.”

Luc. 8:2

Timaking heman kandin se menge bayi tapay pinegolian din aw pinelowaan din te bosaw. Sikandan si Maria tege Magdala pinelowaan te pito se bosaw,

Mar. 15:40

Doen heman menge bayi kidoen kenà mediyò te kros, aw kinità dan se kedita te neinang. Sikandan si Maria tege Magdala, aw kesangay din si Maria inay te kaling otaw si Santiago aw si Jose. Kidoen heman si Salome.

Luc. 23:55

Peglebeng i Jose ki Jesus, timelokon heman se menge bayi timaking ki Jesus lekat te Galiliya. Kinità dan heman se lebeng aw pegsawol te lawa din kidoen.

Mat. 27:55

Medita heman se bayi kidoen kenà mediyò te kros, aw kinità dan se kedita te neinang. Sikandan se tapay timaking ki Jesus lekat te Galiliya taman te Jerusalem amon megtabang dan kandin.

Mat. 11:17

‘Pengkey mig-edop kay te seluli amon somayaw kaw, meneng wedà kaw sayaw. Pengkey migdelangan kay tepad te pegkematay, meneng wedà kaw heman kelano.’

Luc. 23:28

Meneng miniling si Jesus aw minikagi, “Sikiyo bayi tege Jerusalem, ikà niyo egkelag tandà te kelimahan domateng diyà kanak. Meneng keilangan megkelag kaw tandà te kelimahan metoman domateng diyà kenyo aw menge batà niyo.

Juan 16:20

Eneng-enengi niyo se ikegiyen ko den diyà kenyo. Megkelag aw megmatay kaw tepad kanak, meneng meluba se medaet otaw dini te keneyonan. Pengkey melidò kaw, meneng todà kaw meluba.