Luc. 23:22 - Manobo Sarangani

²² Te iketelo peg-ikagi i Pilato, minikagi sikandin, “Meneng wedad palos medaet ininang din. Wedad palos salà din kinità ko te mepakay sikandin ipelumun aw imetayan. Yan se doun te olò ko sikandin ipebadas, aw penga niyan ipelowà.”

Luc. 23:22 ပူးပေါင်းရင်းမြစ်များ

Luc. 23:14

Minikagi sikandin, “Pegpengibing niyo te otaw seini dini kanak, minikagi kaw te migsamok sikandin te kedita te otaw. Na, kinità niyo den te mig-insà a kandin, meneng wedad palos salà din kinità ko iling te indimanda niyo tepad kandin.

1 Pedro 3:18

so nematay heman si Cristo amon megpelowà kenitadon lekat te salà. Mekesebad sikandin kematay so botong se pegkematay din. Pengkey wedad salà din, meneng simelilin sikandin kenitadon pengkey doen salà tadon amon megkità kidon aw Timanem. Pengkey nematay se lawa din, meneng neantay sikandin.

1 Pedro 1:19

Meneng impelowà kaw din so nematay se meelagà Batà din si Cristo. Iling sikandin te karniro ontò mèpiya aw wedad kolang eg-imetayan aw ipegpemegay diyà te Timanem.

Luc. 23:20

Ibeg i Pilato megpelowà ki Jesus, aw yan todà din dan inikegiyan.

Luc. 23:16

Yan se doun te olò ko sikandin ipebadas, aw penga niyan ipelowà.” [

Luc. 23:4

Minikagi si Pilato diyà te menge pengolo te simbahan aw doma otaw netipon kidoen, “Wedad palos salà te otaw seini kinità ko.”

Luc. 23:21

Meneng migbelobansag dan, “Imetayi sikandin. Lensangi diyà te kros.”

Luc. 23:23

Meneng gayed dan migbelobansag te dakel se kagi dan, so ontò dan ibeg te keilangan ilansang sikandin diyà te kros amon matay. Yan dinaeg dan si Pilato, so ontò dakel se kagi dan.